【碰碰運氣】日本芸能人常去的餐廳!椎名林檎都去?

有無人得閒無事會諗下到底日本嘅藝人平時會去咩地方食野嫁呢?係咪一定係高級餐廳呢?定居酒屋呢?不過就算點諗都好難撞到佢地咁,因為你一直去錯地方啦!而家就等我介紹下幾間藝人常去,上哂電視雜誌嘅店鋪比你地知啦!下次去呢D鋪頭,話唔定就可以見到真人啦!
 
1.Urth Caffé 東京・代官山店
Urth Caffé 分別喺表参道同代官山都有分店,係一間有機嘅Cafe黎。喺呢間時尚得黎有種夏威夷感覺嘅店裡面過個悠閒嘅下午都幾舒服。咁邊個會黎呢?就係ローラ(Rola)等等出名嘅模特兒啦!喺日本Model界中呢間Cafe好有人氣,因為佢係唯一一間有有機咖啡公司提供比佢嘅Cafe,所以對身體同環境都好好,仲有唔少甜品揀添!如果各位係Rola或者其他模特兒嘅粉絲,不妨去碰碰運氣啦。
 
・名稱: Urth Caffé 東京・代官山店
・住所: 〒150-0033 東京都渋谷区猿楽町8-9
・前往方法: 由代官山駅西口歩行約5分
・營業時間: 10:00~22:00(21:00 L.O)
・定休日: 無休
 
2.GLOU GLOU REEFUR(グルグル リーファー)旧Rosalie
同樣都係代官山,呢間就再近代官山駅D,係梨花指定嘅Cafe/dinning bar黎。佢其實一樓係賣衫同雜貨,二樓就係Cafe咁樣。由一開業到而家個人氣都一直有升無跌,超hit嫁!環境都好吸引,係以「巴黎的食堂」為成個裝修嘅方向,枱、梳化、燈都好有品味嫁!
 
・名稱: GLOU GLOU REEFUR(グルグル リーファー)
・住所: 〒150-0033 東京都渋谷区猿楽町24-7 代官山プラザビル 2F
・前往方法: 由代官山駅歩行3分
・營業時間: 11:00~ 21:00
・定休日: 不定休
 
3.炭味家
呢間餐廳呢,男士們真係要去一去,因為常去果個藝人係椎名林檎呀!!!呢間位於大阪,係一間創作料理店,即係佢嘅料理唔係平時周圍食到嘅,而係奇想天開嘅料理。佢誇張到比人讚話無論食邊樣都好好食,又好食又有機會撞到椎名林檎,你唔係唔去掛?
・名稱: 炭味家
・住所: 大阪府大阪市北区大淀中2-6-29
・前往方法: 由福島駅歩行約10分
・營業時間: PM5:30~AM1:00(L.OAM12:00)
 
4.らーめん盛運亭
呢間拉麵店係位於麻布同白金附近嘅高級住宅街,對比起D高級住宅,佢會寧寧舍舍有種懷舊嘅感覺,所以應該都幾易認。佢係タモリ(Tamori)喺『タモリ倶楽部』到介紹過嘅拉麵店,係好多搞笑藝人愛去嘅拉麵店黎。呢到出名嘅就係佢個懷舊味道嘅湯底同叉燒啦。
・名稱: らーめん盛運亭
・住所: 東京都港区南麻布2-7-26
・前往方法: 由麻布十番駅歩行約12分
・營業時間: 11:00左右~翌日4:00左右