直擊日本環球影城 夏日限定

日本環球影城又有新搞作,今個夏天Universal Studio Japan 同《週刊少年Jump》做咗個Crossover,係暑假同大家送上 「UNIVERSAL JUMP SUMMER」。今次主角有「龍珠」、「死亡筆記」、「海賊王」相信所有鍾意動漫迷都超級
期待!如果你哋係一大家細的話仲有限定嘅「妖怪手錶」比小朋友玩添!
今次超重量級嘅Crossover令我平日唔睇動漫嘅我都超級興奮,除咗「UNIVERSAL JUMP SUMMER」之外,其實近年環球影城都加入咗好多新嘅遊戲同原素,例如有「Minion」,「飛天翼龍」 等等,所以今次我決定去大阪同大家親身體驗!
▲2016夏日期間限定,2016年7月1日(五) - 9月4日(日)
 
▲入到樂園就會見到4D劇場,劇場已經變晒龍珠主題!
我係日本環境影城睇過3個唔同嘅4D動畫,個人認為最好睇最精彩都係今次嘅龍珠,劇情動畫都非常緊湊,好正!
 
▲就連龍珠園區嘅工作人員都變身著咗龍珠衫啦,超有型!
 
▲ 除咗有4D睇之外,當然唔少得主題食物啦!
依個就有七粒龍珠啦,佢個名先威水呀叫<顯靈吧神龍! ~葛餅出嚟呀!~> ¥900
佢就凍冰冰糯米糍嚟嘅,幾啱夏天食㗎!
 
▲應該最受歡迎就係 <宇宙帝王菲利 第一形態飲料桶> ¥2,000
另外仲有傳說中嘅<悟空包> ¥650
 
▲行到Minion區會有Minion小劇場
 
▲小劇場仲有噴冰同噴水,超級透明涼㗎
 
▲哈利波特區係環球影城最受歡迎嘅園區,但聽講佢地除咗玩機動遊戲之外,仲可以變魔法喎
 
▲利用魔法可以令到屋頂可以噴火㗎,當然每人嘅魔法功力唔同,火嘅大細都會唔一樣㗎
 
▲依位就係我嘅魔法老師啦!
 
▲依個牛油啤酒相信大家都唔陌生啦,但聽講最近都新出咗牛油雪糕喎
<哈利波特 BUTTERBEER > ¥1,100
 
▲最近出咗牛油味雪糕,依個雪糕超香滑但又唔算好甜,幾好味㗎
<哈利波特 BUTTERBEER Ice Cream> ¥500
 
▲其中一個主題就係One Piece啦,侏羅紀餐廳搖身一變,變咗海賊王嘅世界
 
▲ <海賊王慶祝杯桶> ¥1,850
<海賊料理 - 雞! > ¥1,890
<海賊料理 - 肉! > ¥1,990
 
▲如果你地係一家大細嚟嘅話,相信依個限定遊戲好適合你嘅小朋友啦!
 
▲ < 妖怪體操>
 
▲除咗遊戲之外仲有 < 妖怪工作明星餐廳> 有好多唔同妖怪嘅主題食物㗎
< 妖怪煙肉漢堡 >  ¥1,940
 
▲ < 地縛喵的 Strawberry Mousse Cake >   ¥600
< 歌瑪先生的 White Chocolate Mousse Cake >  ¥600
 
▲ 如果啱啱個Minions Show覺得唔夠透心涼㗎話 , 咁就一定要玩依個Water RE-BOOOOOOOORN Party啦
 
▲因為依個真係可以令到你成身濕晒,表演者會唔毫無保留地同你玩水!
 
▲今次重頭戲當然係死亡筆記真實逃脫遊戲啦!
 
▲今次嘅制作同設施都超級認真同先進,仲好體貼地有6個國家嘅語言可以提供㗎!
 
▲真實玩之前先有一段帶大家入戲嘅小劇場,相信大家睇完都會覺得自已身處係電影內面㗎!
 
▲全部都係真實,就連攝錄都係真實㗎!
如果你問我死亡筆記好唔好玩?一百分比幾多分?我會比一萬分!因為佢地嘅製作,場景,故事所有所有都超級用心,非一般普通嘅逃脫遊戲,玩完真係精彩到要拍爛手掌呀!

今次嘅分享就咁多啦,如果想睇清楚詳細可以睇返今次嘅影片㗎!下次Blog會同大家介紹返日本環球影城影門票同快証攻略!
大家鍾意嘅話大家就繼續留意我嘅日本大阪之旅啦!