當年女神Leah Dizon的今時今日

好啦,話說因為尋日po嘅投票圖,見到好多comment都想知當年不少人J過的女神Leah Dizon近況如何,我就上網stalk咗下女神,故且搜集咗啲資料。不過發現都幾可歌可泣。
1986年9月24日出生於美國拉斯維加斯,身高167嘅Leah Dizon係菲律賓華人父親同美籍法國人母親生嘅混血兒,2006年春天登陸日本藝能界。憑住一副超靚超索混血兒look同無得輸嘅身材成功俘虜咗唔少亞洲男士嘅心。
 
當年就係呢本寫真集令Leah Dizon紅透日韓台港!

 
當年唔單止瘋狂以水着登上雜誌封面....
 
喺日本發展時先後為10多間公司拍廣告...
 
高峰期仲唱埋歌、出碟兼上埋紅白,風頭一時無兩!
 
Leah突然消失得無影無蹤,如果係粉絲都會記得原因。喺佢事業高峰期2008年10月,Leah突然宣布結婚兼懷孕嘅消息,傷透無盡少男心。當時丈夫兼經手人為日本人造型師BUN,聽講同小天后BoA拍過拖。Leah當年以沉重及複雜嘅心情同粉絲坦白,希望粉絲唔好好似「掉」垃圾咁「掉」咗佢(即係希望大家仍然會繼續支持佢、畀佢有機會日後再戰娛樂圈)。

2009年Leah生咗個女,但好快喺2010年尾佢已經同老公離咗婚。得到撫養權嘅佢將囡囡帶到紐約照顧,並於2011年1月開始喺紐約報讀戲劇班。2012年畢業後佢宣佈會再次展開藝能活動,只不過...

 

2013年5月,Leah再次於日本登台,為某企業宣傳活動。可惜工作數量比起出道當時根本不能比較...

 

然後Leah又回到美國嘅拉斯維加斯,準備邊讀大學邊喺日本兩邊走,進行演藝活動,可惜2014年後喺日本嘅演藝活動數量幾乎係零。
 
慘被大家嘲笑劣化嘅Leah暫時已經完全定居美國。我stalk女神Twitter嘅時候發現佢仲有玩Snapchat (@leahdesu),有興趣嘅大家不妨follow。

 

有傳Leah當時懷孕嘅時候開始出現孕婦焦慮症,產子後亦未能照顧女兒及家務,令老公身心俱疲,並成為離婚原因喎...始終居住喺唔熟悉嘅日本,壓力點都大嘅...不過照睇Leah返去美國後都好努力照顧女兒,仲係Twitter話自己係proud mother,應該情況好轉咗嘅。
 

其實睇Leah喺Snapchat上傳嘅自拍都唔係太差姐...點都好,希望Leah繼續快樂地生活落去,好好照顧個囡啦!始終單親媽媽唔易做啊~