熱捧.2016年最受注目新生代美人!

日本周刊《Weekly Playboy》最近就發表咗2016年最受注目新生代美人、「2016年最注目のホープ美女 春の陣」。十位成功被選中嘅靚女分別嚟自唔同範疇,包括演員、model、主播甚至企業家!?而家就同大家睇下到底佢地幾有魅力(排名不分先後)
 
青木珠菜
 
99年出身得16歲嘅《青木珠菜》喺日本演員,走清純可愛路線!人仔細細已經169cm高,睇嚟仲有上升嘅空間!
 
 
小編小評:以女仔嘅角度,佢絕對唔係算靚女嘅類型!但身型搭救,年紀輕輕,大把前途啦!
 
椎木里佳
 
日本知名女高中生社長。國三嘅時侯以45萬資金係六本木開設「AMF」(Appreciation/感謝、Modesty/謙虛、Full-Power/全力)、目標係將日本嘅「Kawaii」文化傳播到全世界。
 
可能你地會奇怪點解年紀輕輕,可以咁多錢開公司?無他嘅,成功需父幹嘛!佢爸爸有一間動畫製作公司,資產總值大約為兩億日元…葡蔔唔嚟㗎啦!
 
 
小編小評 :有錢還有錢,都唔係個個都有目標去做自己想做嘅野嘅!呢d有目標所散發出嚟嘅光芒先係最正!(不過我覺得佢有少少似一個明星,,黃X詩)
 
河村友歌
 
女大學生加兼職模特!被譽為「佐野雛子,有村架纯同橋本環奈」嘅混合版。
 
 
小編小評:有鄰家女孩嘅感覺…但係未去到驚艷囉!(可能你地好喜歡)
 
Faint Star
 
歌唱組合Faint Star最新單曲「ネヴァエバ」將會於4月9號正式開賣
 
 
小編小評:顏值屬中等,不過佢地火熱嘅程度應該係源於佢地嘅才藝!唔知點解我覺得佢地有perfume嘅影子!
 
長沢裕
 
22歲嘅長沢裕係女演員同天氣報導主持人。
 
 
小編小評:完全唔覺佢似92年,幾有知性美同姐姐嘅風範!可惜唔係我杯茶!(姐姐控注意啦)
 
ももな (Momona)
 
雜誌模特,曾經係好多唔同雜誌亮相,你地有無見過佢?
 
 
小編小評:五官精緻,典型混血美女Style。帶點憂鬱嘅眼神…(但稍嫌眼神未夠殺食)
 
谷まりあ
 
有巴基斯坦血統,《ViVi》專屬模特兒
 
 
小編小評:又一個混血美女,不過今次對眼就有神好多啦!小心唔好俾人吸走呀
 
小川あん
 
得18歲嘅《小川あん》係新生代演員,拍過唔少廣告同客串劇集,亦出演過MV
 
 
小編小評:雖然隻歌唔係佢唱,但佢係個MV入面真係好Sweet呀!好有校園女朋友嘅感覺!
 
久保田紗友
 
出身北海道嘅新生道演員,同樣拍過唔少廣告!唔好睇佢好似有d成熟咁…原來佢只有…16歲!?
 
 
再細個d個陣都已經好靚
 
 
小編小評:呢d就係純天然,無添加嘅美女。抵咁多人睇好佢!小編就羨慕唔嚟喇!公平咩,哈哈