無懼主流傳媒封殺 能年玲奈 ×『在這世界的角落』殺出一片天!

於今個月12日上映嘅『在這世界的角落』,出乎一般人所料,錄得非常好嘅成績,10日左右錄得1億6000萬日圓嘅票房驟眼睇似乎不值一提,不過以上映戲院數只有68間嚟睇就真係一啲都唔失禮!
 
 
無可否認,即使『你的名字。』是一套難得嘅優秀作品,今時今日嘅票房明顯傳媒瘋狂吹捧仍然係一個只關重要嘅因素。而『在這世界的角落』在各主流傳媒、片商的冷處理同封殺之下仍能交出如此成績,就更是難能可貴。
 
 
霸權邊度都有,但媒體通常都係主要幫凶之一,話說聲演本片女主角阿玲嘅「海女」能年玲奈之前由於「違約」風波而被事務所「封殺」,甚至喺佢以新名「のん」開新IG後,同一個名字瞬間在各大社交平台「被註冊」。
 
而『在』片亦自己被冷處理,加上本來很多人認為這部劇場版動畫賣不出去,連發行也疑因「錢回得唔夠快」同「上述嘅大人事情」而採取完全不合作嘅態度。監督片渕須直只好不停在SNS上不停呼籲網民幫手推廣開去。幸好,最後出來的成績確實不錯(雖然觀眾好似都有咁上下年紀……)
 
一開始是靠喺雲粉絲編碼網站Makuake成功籌錢開拍嘅 『在這世界的角落』,尋日已經展開第二輪籌款,供片淵須直前往將會上映此作嘅國家,睇腸大家嘅反應,同對日本這個原爆國家抱甚麼感覺(這根本是旅行啊……),再回日本報告。話說個籌款今日下午已經到咗目標金額一千萬,真係恐怖。
 
 
 
『在這個世界的角落』舞台為二戰末期嘅廣島軍港吳市,阿玲下嫁海軍勤務兵周作,然而周作被派遣到戰場,由阿玲負擔家庭重擔
二戰末期日本國內物資嚴重匱乏,加上軍港吳市受盟軍猛烈空襲,阿玲一家生活更加困難,阿玲甚至在空襲中被炸掉了一隻手,又親眼見證過廣島原爆,而最後等到嘅更加係日本天皇發布終戰詔書……
 
 
 
 
 
 
 
こうの史代・双葉社/「この世界の片隅に」製作委員会
 
資料來源:
エンドス@『この世界の片隅に』支援中@los_endos_