【渋谷5間值得一試嘅餐廳!】

喺渋谷,通常D人都係行街行全日,然後因為太攰所以都唔會認真搵間好嘅餐廳,是但搵一間就入左去食。有人好彩,揀到D唔錯嘅,有人就會揀到D伏野,但跟足旅遊書又未必好,因為介紹得嘅一係就太貴,一係就全部都係遊客,無D當地嘅感覺!
 
而家我就話定你知幾間值得去試嘅餐廳,等你一早有所準備,唔洗到時臨急臨忙先揀啦!
 
1.JINNAN CAFE(ジンナンカフェ)
呢間餐廳佢個名雖然寫住cafe,但放心有飯食嘅,唔係得咖啡飲!佢最勁係咩?最勁係曾經有唔少日劇都用佢黎做拍攝場地,可想而之佢嘅環境係絕對受肯定嘅!
咁有邊D日劇喺呢到取過景呢?
分別有石原里美・小栗旬的「Rich Man・Poor Women」,
草彅剛・北川景子的「獨身貴族」,
石原里美・松本潤的「失戀巧克力職人」,
澤尻英龍華的「First Class」。係咪好勁呢!套套都出名嫁!
而且..據聞有D侍應仲係讀者模特兒黎嫁!話唔定有好多靚女!!
 
至於D野食呢,就例如係咁,一盤有好多種類嘅食物,算幾抵食啦!
JINNANプレート(1180円)
ASIANプレート(1180円)
 
2.牛かつ もと村
 
呢間係超人氣炸牛店,成日都喺節目上上榜嫁!
雖然我未去過,但見到D相都超想食呀!你睇下,外脆內嫩咁,勁吸引!
 
3.ミクロコスモス(microcosmos)
 
店內以「世界的縮影」為主題,裡面嘅裝修用左唔同藝術家嘅作品黎佈置。
 
呢碟特製咖喱+湯+沙律(850円)係推介黎嫁!
 
而呢個人氣特製漢堡扒+包/飯+沙律+湯(980円)
用左特製嘅醬汁,好鬼juicy,係日本網站嘅美食第一名黎嫁!
仲有好健康嘅沙律(980円)等等。
 
4.いまここ
 
呢間唔算太實際,因為佢係高級餐廳黎。點高級?晚餐要超過10000円咁囉...不過唔洗驚,我唔係叫你去食10000円嘅野,而係明明係同一間餐廳,佢有個每日限定得50份嘅Lunch set只係1500円咋!!!就係下面呢個,而且味噌湯同飯都係任裝唔嬲!高級餐廳黎講,呢個絕對試得過呀!不過因為得50份,所以如果真係想食就記得早D到啦!
 
5.LA SOFFITTA(ラ・ソフィッタ)
 
呢間笨唔係日本料理,係西餐黎嘅,去日本都唔代表餐餐食日本野嫁嘛係咪?睇佢個門口都好有風情,一條復古樓梯,D氣氛出哂黎。
 
除左有粉類(1200円)
仲有大人氣嘅PIZZA(980円),聽講D人黎呢到係為左食pizza嘅。
仲有呢個每日限定得6 set嘅奶油薯仔~
 
下次經過渋谷又有興趣就試下啦!