沖繩自駕炒車記 T_T

 
沖繩係日本最南面既小島。
離開那霸市既話,交通係超麻煩!
要係呢六日裡面玩晒呢個同香港差唔多大既地方,我就選擇左自駕遊,首係香港上OTS既官網預訂(拎車先比錢)
當然要有國際牌啦!
淡季經常會有優惠!(聽講用日文既官網會平啲,有興趣可以自己格下價)
落單時,記得買安心保!記得買安心保!記得買安心保!
呢架係電油混合車!要入油,但係超省油,我揸左六日都係用左一半多啲。
還車前入油只係用左 2000YEN!
 
到機場去搵拎住 OTS 牌既人,上巴士之後就到左 counter
聽普通話講解注意示項!例如交通規則,唔好超速,入咩油,撞車點算等等
跟住就簽約比錢!六日都係 26,640YEN (約1800元)
職員帶去拎車,一齊行一個圈睇下有無花先。
再教你用導航,普通話導航,英/日文介面
有睇片都知…我係最後一日先黎炒車 T_T
只係…係停車場… hi 花左少少姐…真係少少 XD
1.報警 - 落口供, 講事發經過,時間等等
2.致電 OTS(可以搵識普通話職員) - 都係講下發生咩事就得,OTS 會同警察溝通架喇!
3.JAF 救援服務 - 等 JAF 救援人員黎到同架車維修/拖車
就係咁簡單~
因為我買左安心保!所以唔洗賠錢!
注意只係保第一次炒車,如果炒第二次係要賠錢既!
 
泊車方面留意酒店有無免費泊車?有就最好
無就要睇下附近有咩停車場,過夜要揀最大料金600-900yen/12-24小時果d(每12/24小時都要出一出車再入返,唔係會貴左)
無最大料金果d 就唔好泊喇~ 咁當然最大料金果d會好full
 
係沖繩揸車好安全,其他司機都好有禮貌。
注意唔好超速,警察有可能係轉角路口 camp 你!親眼見過 XD (差啲中招)