沖繩十大美景海灘,準備同陽光玩遊戲啦!

夏天就到喇!!!大家買好機票準備去陽光與海灘渡假未?今次就介紹沖繩呢個夏日渡假天堂嘅十大美景沙灘!
 
第十位
宜野灣Tropical(熱帶)海灘
 
離那霸最近嘅沙灘,開車四十分鐘就可以到!Tropical beach 喺宜野灣海濱公園裡面,位於沖繩西岸,可以欣賞到夕陽餘暉,園內仲提供烤肉套餐,可以一邊燒野食,一邊游水。沙灘海域廣闊,海水清澈,設施完善不過沖涼設備同儲物櫃都需要收費。
 
宜野灣Tropical(熱帶)海灘
 〒9012224 沖縄県ぎのわん真志喜4丁目2-1
 
第九位
翡翠海灘 Emerald Beach
 
翡翠海灘就位於沖繩最出名景點沖繩美麗海水族館隔離。全日本境內唯一礁湖海灘,水質被評為 AA 級,水質非常清澈,清到可以睇到唔同層次嘅藍色。去睇完水族館可以去呢個海灘曬下太陽,漫步一下。
 
翡翠海灘
〒9050206 沖縄県石川424
 
第八位
美美海灘 Bibi Beach Itoman
 
美美海灘位於沖繩南部,離那霸機場30分鐘車程。設備完善,仲有水上活動可以玩:浮潛、獨木舟、香蕉船等等,唔玩水可以踢下足球或者沙灘排球,亦有燒烤區。游水果陣仲會見到好多顏色繽紛嘅魚仔。絕對值得推介!
 
美美海灘
〒9010306 沖縄県糸満市西崎町1-6-15
 
 
第七位
安良波海灘 araha beach
 
安良波海灘距離沖繩美國村只係10分鐘車程。亦係沖繩出名嘅海灘之一,沿岸有綠化草地,種滿棕梠樹。充滿歐陸風情,都好多外國人會去呢度野餐,租張躺椅、太陽傘加埋啤酒,小食,享受一個悠閒嘅下午。
 
安良波公園
〒9040116 沖縄県北谷町北谷2丁目21
 
第六位
新原海灘 Mibaru Beach
 
新原海灘喺沖繩東南面,比較偏僻,擁有 AA級水質,離那霸市要一個鐘時程。沙灘比較狹窄,相對地海浪就非常小。退潮時仲可以落去潮間帶掘貝殼、寄居蟹等等生物。另外可以坐上玻璃船,喺船底欣賞珊瑚礁同熱帶魚,1400円船程太約有 20分鐘。
 
新原海灘
〒901-0603 沖縄県南城市玉城百名
 
第五名
部瀨名海灘 Busena Beach
 
西海岸高級度假酒店「The Busena Terrace」嘅私人沙灘,不過非住客亦都可以買票入場。環境寧靜,800米長海岸,背靠住別寓式酒店,黃昏喺沙灘漫步認真浪漫,仲可以望到沖繩景點海中展望塔。水上活動都好豐富,香蕉船、獨木舟、水上摩托車等等
 
部瀨名海灘
〒9050026 沖縄県名護市喜瀬1808
 
第四名
Sun Marina海灘
 
另外一間高級酒店「Sun Marina」嘅私人沙灘,呢個就唔對外開放。水質亦評為最高級別 AA 級。水上活動豐富,距離海灘游出去唔遠會有個提霸,喺提霸附近游水會可以見到大量小魚群。
 
Sun Marina海灘
〒9040413 沖縄県国頭郡恩納村字冨着66-1
 
 
第三名
JAL Okuma海灘
 
度假酒店「JAL Private Resort Okuma」裡面嘅海灘,外來遊客可以買票進入。海岸線長達一公里,純天然雪白細沙。呢個被山原深林包圍嘅海灘,完全喺休閒渡假嘅氣氛,仲有一個白色長碼頭比私人遊艇,夠晒豪華。亦有水上活動,水質都係屬 AA級,不過位置都幾偏遠。
 
JAL Okuma海灘
〒9051412 沖縄県国頭郡字奥間913
 
第二名
萬座海灘
 
「全日空萬座海濱酒店」嘅私人海灘,非住客亦都可以買票入場。呢個海灘除咗風景夠靚,純白幼沙之外,亦有比較特別嘅水上活動可以參加,例如潛水、水上降傘、水底漫步,當然仲會有其他較常見嘅例如香蕉船等。絕對喺一個鐘意水上活動嘅天堂!
 
萬座海灘
〒9040493 沖縄県恩納村瀬良垣2260番地
 
第一名
Nirai 海灘
 
Nirai 海灘喺「日航度假村酒店Hotel Nikko Alivila」,不過非住客都可以免費入場!純天然長 400米純白沙灘加上 AA級蔚藍澄澈的海水可以話係沖繩第一嘅靚海灘,海底有各式各樣唔同形狀嘅珊瑚同岩石,喺岸上觀賞非常特別!亦都有水上降傘、滑水等活動參加。
 
Nirai 海灘
〒9040327 沖縄県読谷村字儀間600
 
其實呢十大,個個都咁靚,去返一、兩個同陽光玩遊戲啦!