池袋有爭鮮價錢,日本質素嘅迴轉壽司店?

美登利,相信好多香港人都聽過同食過。呢個嚟自梅丘嘅壽司店品牌,成名就因為涉谷店,永遠都排長龍。
今次要介紹喺同一集團嘅活美登利,以迴轉壽司做主打。價錢亦都比涉谷嘅美登利親民!
有人話喺爭鮮價錢,日本質素?
 
梅丘寿司の活美登利
地址:東京都豊島区南池袋1-28-1 西武池袋本店8階
營業時間:星期一至四 11:00 - 23:00;星期五至日 10:30 - 23:00
(Last Order : 22:00) 
 
 
我已經喺晚上九點去到… 十點就 Last order,但喺都仲有咁多人排隊!
(九成都喺日本人!)
 
排咗 20分鐘終於入到去…
 
一個人只可以坐迴轉位
 
子彈列車呀,上次喺 facebook 見到有人叫我介紹,不過要坐卡位先介紹到。
我只可以介紹你四個人嚟試下啦。
 
價錢分類
 
落單喺用紙寫低要邊樣同幾多碟。佢見我喺外國人就比咗數字版嘅餐牌我,我就咁寫數字落去就 OK!
(不過寫完數字之後喺侍應用人手翻譯再比師傅…)
 
呢度嘅壽司最平喺 100 日圓一碟兩件… 咁… 咪即喺仲平過爭鮮!?
 
130-150 日圓
 
200-250 日圓
 
最貴去到 500 日圓,大約都喺 34 蚊左右… 同板長 果啲差唔多
 
先嚟睇下 100 日圓喺咩料先。
嗱,見到啲顏色呢… 就沉咗少少,明顯就唔新鮮。
食落其實無乜魚味。不過,都比爭鮮好食,同埋!仲大份過佢。
100 日圓嚟講我覺得可以接受啦。
 
全部都喺內附 Wasabi
 
130 日圓嘅三文魚… 點解 100 日圓無三文魚嘅?唔喺好 cheap 嫁咩~?
但喺 130 日圓都可以咁長咁大份… 都喺 9 蚊。雖然味道都喺麻麻!
 
 
好喇,我決定試晒唔同價位嘅吞拿魚,咁先比較到嫁嘛!
200 日圓嘅吞拿,都仲喺無乜味,200 日圓唔抵叫!叫 200 不如叫返 100。
(仲細份咗…)
 
跟住就跳到 350日圓,呢件就好食喇!食到有吞拿魚味,口感都好好,好柔軟!
但圍返港紙要 24蚊到,已經唔喺話好抵。
 
最後,我忍唔住叫左碟 500日圓嘅黃金壽司!
有海膽、魚子、仲有吞拿魚。
外表同味道一樣咁好食!海膽夠鮮夠甜,吞拿魚又新鮮又好味!
 
最後店員拎部機出嚟掃一掃就知道價錢~
 
如果想平平地食返啲性價比高嘅壽司,呢度絕對幫到你!100 日圓一碟真喺可以當放題咁食~
高價有高價質素,低價亦都唔差!抵食!