殺出重圍,萬眾期待,進擊的巨人

殺出重圍,萬眾期待,進擊的巨人

呢個年頭繼人中之龍之外,另一最受注目既遊戲唔洗講一定係《進撃の巨人》。2月18號正式發售既《進撃の巨人》會係3個平台登陸,分別係PS3,PS4,PSVITA。有睇開動畫既玩家當然對遊戲入面既人物同故事都好熟悉啦。不過未睇過都唔駛怕,因為製作團隊好照顧新既玩家,遊戲內容將會包含2013年第一季所有既動畫內容再加原創既遊戲終章,咁就可以睇得開心,玩得放心,盡情體驗《進撃の巨人》既世界觀啦!

今次推出既畫面走華麗既動畫風格,其中一個賣點就係主角帶住佢既立體機動裝置,係廣大既城鎮入面自由飛翔穿梭,流暢度極高。

殺出重圍,萬眾期待,進擊的巨人

除左主線任務之外,係城鎮既地圖入面亦都潛伏左唔少巨人,仲時不時會放煙霧彈提醒你有小任務可以做。

本作主角仲可以係營地自己開發武器,打巨人,無難度!

殺出重圍,萬眾期待,進擊的巨人

正所謂團結就是力量,係打大佬既時侯仲可以發出決戰の狼煙call救援軍黎幫手,又可以係指定時間入面增加技能。

殺出重圍,萬眾期待,進擊的巨人

另一樣玩家們最期待既就係佢既幕後制作,係由制作《無雙》系列既班底打造,但最令人興奮既係所有角色既配音都係用番動畫原作一模一樣既豪華聲演陣容出演!夠晒原汁原味!投入感爆燈!

遊戲分普通版同寶箱版

殺出重圍,萬眾期待,進擊的巨人

寶箱版內容包括:
-《進擊的巨人》日文版 遊戲軟體
– 公式調查紀錄集
– 原聲音樂
– 應援毛巾(尺寸約 110cm x 24cm)
– 人物胸章組(共 6 個,艾連、米卡莎、里維 1 人各 2 款。尺寸約 7.5cm x 5.7cm)
-「進擊!巨人中學校」服裝下載碼(可供阿爾敏更換使用)

上年東京電玩展有提到會出繁體中文版,但只限PS4同PSV平台。確實日期有待公佈。

發售日期:2016年2月18日(日文版)
普通版價格:PS3/4  7,800円+税     PSV  6,800円+税
寶箱版價格:PS3/4  12,800円+税   PSV  11,800円+税

放d遊戲片段俾大家先睹為快啦