【死前必去】47都道府縣櫻花勝地!

既然講到靚到核爆咁誇張,你一定會質疑我係咪吹水,
但我可以發誓!以下呢堆櫻花勝地真係去過包你死而無憾啊!
由「日本櫻花會」選定嘅全日本100個櫻花名地之中,
每個都道府縣中嚴選一名出嚟,所以絕對係超高水準!
但47個實在太多,所以當中我就揀10個最正嘅嚟講啦!
唔講咁多,即刻話你知喺邊!
 
1.青森縣・弘前公園
據說擁有全日本最古老嘅櫻花就係喺呢個公園。
 裡面大概有2600棵樹喺護城河上面,而當兩邊通道都開滿花嘅時候,
就被掛上「櫻花隧道」之名,因為真係好似被櫻花包圍住咁,好幸福啊!
而喺櫻花祭嘅時候,配合埋露天小店,成個畫面就更加唯美啦!
每年花季約是4月下旬~5月上旬。
而今年嘅弘前櫻花祭就係4月23日~5月5日。
 
2.秋田縣・角館武家屋敷
呢到有成400棵樹齡200年以上嘅「垂櫻」,
而其中有162棵被指定為國家嘅天然紀念物,
真係聽到都心郁郁想去呀!
每年花季約是4月中旬~4月下旬。
而國館嘅櫻花祭就係每年4月20日~5月5日。
 
3.宮城縣・柴田町船岡城址公園
呢個公園來頭唔細嫁,佢曾經做過NHK大河劇嘅舞台嚟。
潛入一條櫻花隧道之後,乘搭列車中途可以見到嘅絕世風景真係唔係周圍有得睇嫁!
每年花季約是4月中旬~4月下旬。
列車收費係成人單程250yen,小朋友150yen。
 
4.栃木県 日光街道桜櫻並木
呢到係栃木縣唯一被選出嚟嘅櫻花勝路,點解係勝路呢?
因為佢唔係咩公園,而係一條長16km嘅,種植左1500棵櫻花喺馬路兩邊嫁!
我諗去到一定好似日劇咁浪漫啫!
每年花季約是4月中旬~4月下旬。
 
5.千葉県 茂原公園
2850棵紅色及櫻色嘅櫻花樹,有如天堂一樣咁靚!
佢嘅重點係入夜果時會亮燈,就變成夜櫻啦!
每年花季約是3月下旬~4月中旬。櫻花祭亦都一樣時候。
 
6.東京都 上野恩賜公園
終於有東京啦!相信上野恩賜公園都唔少人去過,
但唔知你地又有無喺櫻花盛開嘅時候去呢?
佢係每一年都非常多人去賞櫻嘅景點,櫻花密密麻麻,
一抬頭直頭剩係見到櫻花添呀!
 
7.神奈川県 小田原城址公園
喺重建左嘅天守閣果到嘅小田原城,以護城河為中心,
喺周圍有大約350棵櫻花。亦都有唔少梅花,
兩種花加埋再襯託住天守閣,
畫面完勝呀!
每年花季約是3月下旬~4月上旬。
 
8.長野県 高遠城址公園
被認定為「日本100名城」嘅高遠城,
果到嘅櫻花係出名到入圍左「日本三大櫻花地」。
佢同其他地方一樣夜晚都會亮燈,
但最特別嘅係佢有唔同顏色嘅燈,襯出黎比其他地方靚好多呀!
每年花季約是4月上 旬~4月下旬。
而今年嘅櫻花祭就係4月1日~4月30日。
 
9.石川県  特別名勝兼六園
兼六園係日本三名園之一,
除左個園出名次外,
連D櫻花都好靚嫁!
果到種左唔同種類嘅櫻花(雖然我唔識分),
當中好似仲有D係罕見嘅品種黎嫁!
每年花季約是4月上旬~4月下旬。
 
10.大阪府 大阪城公園
大阪城公園都係好出名嘅旅遊地,
 雖然佢最出名係梅花,
但係當櫻花盛開嘅時候加左層淡淡嘅粉紅景色,
靚到爆呀!呀仲有,唔好唔記得佢都有個夜櫻嫁!
每年花季約是3月下旬~4月下旬。