[冇雷公咁遠系列VOL.5!!]
 
每次去日本,唔係東京就係京阪神,最遠都係北陸,有時會唔會覺得有少少悶﹖如果你係有咁嘅諗法,不妨參考下[冇雷公咁遠系列!!]嘅介紹,或者你會得到新嘅答案啊!
 
今次講嘅景點仍然係位於東北嘅青森縣,一個叫十二湖嘅地方,嗰度嘅青池真係好靚啊。當然,提起「青池」,應該總會有人問:「青池唔係喺北海道咩? 你究竟去過未?」世上就有人連功課都唔做就話人冇做功課。你估全日本得「美瑛白金青池」一個清池咩。(話說最近「美瑛白金青池」好似俾某國遊客攻陷咗,情況令人擔心呢……)
 
唔洗驚!跟住[冇雷公咁遠系列!!]系列去玩,絕對唔會俾人賣豬仔! 十二湖其實係白神山地中嘅一部分。不過雖然佢係屬於青森境內,但以坐JR計,其實佢係比較近秋田嘅。
 
 
橫跨青森縣、秋田縣之間嘅超大規模山毛櫸原生林「白神山地」,1993年同法隆寺地域佛教建築群、姬路城、屋久島一同被登錄為日本第一批世界遺產,整個地區被分為中央核心區域以及周邊緩衝地域,而位於津輕國定公園十二湖嘅青池,就接近周邊緩衝地域嘅邊界。
 
 
進入青森一側中央核心區需要事先向東北森林管理局申請,而秋田中央核心區就更加係原則上不可進入。
 
由於成功申請世遺後當局決定唔再增加任何路段設施以保存原貌,所以不單止核心區域不存在任何人工設施,連十二湖等眾多路線同設備都係申請前已存在。
 
 
要去遊十二湖,一般(其實都接近冇選擇)都係由青森或秋田出發,坐休閒白神號列車去(每日來、回各3班,冬期2班)。而休閒白神號(リゾートしらかみ)一大賣點係全程可以睇晒日本海,但劃位時記得唔好坐錯對山嗰邊(留意普通席不論來回也是A座位的窗靠海,而包廂則為A、D座位靠海)。
 
 
車上有三味線表演
 
到達JR十二湖站後要過對面坐接駁巴士(車程15分鐘)上遊覽十二湖嘅起點
 
 
 
十二湖主要景點為青池、沸壼之池、山毛櫸原生林、十二湖庵,不過最重要嘅其實只有山毛櫸林同青池。行程有長、中、短3個
 
短就係A-B-C-A走一圈,青池、沸壼之池、山毛櫸原生林都包晒,個零鐘解決,輕鬆同易掌握接駁巴時間。
 
中係A-B-C-D,在十二湖莊上接駁巴,時間要攞得準
 
長係唔坐接駁巴,直接行落山坐JR山嘅路線(A-B-C-D-E-F-G-H)
 
 
只有行長唔線先會睇到隱藏景點(個景點仲唔夠「隱世」?用返「隱藏」算啦)日本大峽谷(日本キャニオン)
 
青池啲水真係藍過藍威X,藍得來又清到見底。佢變藍嘅原因有好幾個講法,但全部都未有好有說服力嘅證據,所以真相就係:唔知道XD
 
 
山毛櫸原生林
 
山徑係喺泥土鋪上大量落葉同木屑吸震,所以行得好舒服
 
 
沸壼之池,雖然冇青池咁大,但係好咗可以行近少少
 
 
十二湖茶庵嘅觀音和名水、嗰度有茶飲有廁所去XD,亦係巴士站
 
 
 
十二湖茶庵對面係落口之湖……
 
 
 
如何去十二湖?
去十二湖基本都係坐來往秋田同青森,處於五能線上嘅休閒白神號往十二湖,再轉乘接駁巴士上起點,行駛嘅列車共3款。不過由於班次很少(10月至3月每日兩班,其餘時間每日三班),請注意行程計劃要預留時間以防不可挽回嘅情況出現。
班次
秋田出發為1,3,5號
青森出發為2,4,6號
 
班次行駛同休息日可留意下列網址:
 
接駁巴士(由於係接住JR嘅時間,請忽誤班)
紅框為由十二湖站上山(去程),藍框為落山(回程)
白色圈為秋田往青森/弘前班次 黑色圈為往秋田班次
"発" 為開車時間,"着"為到達時間
 
 
 
 
 
 
 
 
十二湖附近黃金崎不老不死溫泉也很出名,唔係一日來回嘅朋友推薦可以去呢度,不過留意海邊個露天溫泉因潮汐漲退關係16:00左右甚至更早就冇得浸
 
 
青森出發中途會放低你參觀另一景點千疊敷
 
 
 
 
 
WHAT IS [冇雷公咁遠系列!!]!?
每次去日本,唔係東京就係京阪神,有時會唔會覺得有少少悶﹖ [冇雷公咁遠系列!!]專門介紹遠離以上地方嘅地方! 無論你係心思思想出遠行,定只係眼睛想旅行,入嚟之後可能會得到新嘅答案啊!
 
 
16年4月新出「JR東日本鐵路周遊券」遊東北平咗又爽咗!!
以往去東北地區旅行,除非係自己租車,否則基本就只有坐JR去,不過以前由於只有最貴嘅「JR全國PASS」(大人7日:29110日圓,14日:46390日圓,21日:59350日圓,兒童半價)係包東北地區,重要連續7日,真係又貴又唔方便。不過自從2016年出咗「JR東日本鐵路周遊券」(海外售價 大人19000日圓,兒童 9500日圓)之後,換證後14日內可任選5日任坐JR,令到行程安排彈性咗好多,真係超級方便,而且東京(上野)去青森單程已經去咗16940日圓,隨時行程第一日已經回本。
 
 
冇雷公咁遠系列!!
VOL.1 (東北 岩手縣 )
光與天然的完美配合 東北自然奇景鐘乳「龍泉洞」
 
VOL.2 (東北 青森縣 )
娘子,同牛魔王去青森睇耶穌(咦?)
 
VOL.3 (北陸 福井縣 )
登上東尋坊絕崖 盡覽日本海+自然奇蹟
 
VOL.4 (東北 青森縣 )
有冷有熱!! 青森必食「自己砌滿到瀉海鮮飯 X 特製千層味噌豬扒」
 
 
 
影片來源:
YOUTUBE:
La_ Des
Nakamura Nobu
ビデオフォーシーズンズ VideoFourSeasons