東京近郊 秩父一日遊(下)

上集講到距離池袋75分鐘車程嘅東京近郊秩父市「羊山公園」啲芝櫻收收地皮,好彩秩父除咗芝櫻仲有好多好嘢玩啫!無論你係一家大細、二人世界定係世紀毒_都實有嘢啱你心水㗎!
 
唔知秩父市係邊、唔識搭車嚟秩父嘅朋友,可以重溫返一上篇blog東京人氣近郊 秩父芝櫻祭(上)
 
由車站行上山,沿路風景都好靚,好多人停係到影相~
 
沿路上山行咗十分鐘咗右就見到依個鳥居串燒!
 
行行行行咗4個字咗右就上到羊山公園啦~
 
係羊山公園隔離有個馬場仔,比1000yen就可以騎馬啦~
 
一入到去就有個姐姐幫你揀頭盔,記得帶返個頭盔呀~
 
我去個陣場入面得兩隻馬仔~姨姨話本身仲有幾隻嘅,不過怕馬馬太攰,所以會比佢地輪流休息〜
 
隻馬好靚又好乖,行得好穩,啲毛又滑~姨姨非常熱情,係咁同啲遊客傾計~可惜唔係騎咗好耐,幾分鐘就沙唷啦啦/0\
 
馬場隔離係另外一個牧場,你地估下入面有咩動物?
 
就係羊咩咩啦~~~~好多一家大細喺到睇羊~
 
好多人同我一樣第一次見到黑色皮膚嘅羊,所以佢地特別受歡迎~
 
一家大細啱玩親親小動物,咁sweet sweet嘅情侶又有咩嘢又有咩好做呢?我誠意推介大家去秩父神社!!!!!!! 
 
秩父神社人氣都幾高㗎,幾乎每個去秩父嘅遊客都一定會嚟!
 
原因就係依個啦!你地唔好睇少依枝200yen嘅籤啊~
 
一打開,冇嘢嘅?
 
再望吓河邊個牌?唔識日文都一定睇得明「水占」兩個字!
 
冇錯依個就係傳說中嘅水占卜啦!一放入水就會見到啲字!
 
其實我覺得啲粉紅色心心極之老套……不過水占卜真係好好玩!我隻籤文寫住我「太過投入戀愛」……咩料啊唔趁而家戀愛唔通等到變啊婆先戀愛咩!唔制啊!
 
除咗水占卜出名之外,亦都有唔少人會靜靜地攬住依棵神樹,感受同大自然嘅感通(好似係)
 
秩父神社嘅另一邊係稻荷神社~除咗有大家成日見到嘅狐狸神之外……
 
仲有好多好多迷你鳥居仔!比咗錢「奉納」嘅公司就會喺鳥居仔上面寫上自己嘅願望,然候掛喺稻荷神社依到~嗚嗚我都好想整返個呀/0\
 
好啦嚟到最後……相信唔少動漫迷唔洗我講都知道秩父係邊套動漫嘅背景舞台……冇錯就係《我們仍未知道那天所看見的花名。》(「未聞花名」)啦!
 
「超和平Busters」!
 
めんま(menma)!最鍾意你了~~~~
 
秩父周圍都貼住「未聞花名」嘅poster~
 
連汽水機都係「未聞花名」主題㗎!
 
係咪枝枝都好想帶返屋企呢~
 
為咗搵故事入面嘅舊秩父橋一直行一直行……
 
結果竟然行咗去另一條新秩父橋!啊啊啊雖然好靚不過……唉不如一槍打死我啦ㅠㅠ
 
Any肥,我覺得秩父除咗芝櫻季節值得嚟之外,仲有好多好多唔同嘅嘢睇同玩,距離東京又唔遠,想去近郊一日遊實在不失為一個好選擇!