【東京築地】尋找新鮮好味又抵食刺身

築地嘅壽司出名新鮮好食,黎到東京點可以唔黎食刺身呢?
但窮遊嘅我真係唔可以揀咁貴⋯⋯
所以!今次想搵下d平價又好味嘅刺身壽司!
即刻跟我黎啦!
 
▲行咗5分鐘,黎到築地場外市場啦!
 
▲首先搵到呢間伊助壽司店,聽講有勁大塊嘅吞拿魚刺身!
▲就係呢個啦!勁大大大大大大塊吞拿魚刺身!!!
 
▲真係冇諗到呢條咁大條嘅吞拿魚連set只係1980円!
經濟實惠之選啊~重點係超級新鮮!!!
 
▲一開始聞到有腥味,但食落超肥美又新鮮!
(睇片睇我點樣用木匙去食呢塊咁大塊嘅刺身啦)
 
▲一入去就叫咗呢個吞拿魚丼飯,配埋特別嘅山芋醬,
刺身係吞拿魚,加上甜甜嘅玉子,爽口又開胃!
售價1000円。
 
▲係咪見到都好想食呢?(睇片更吸引哦)
 
▲呢個山芋醬營養價值高,估佢唔到同個飯又幾夾喎!
有少少芝麻醬嘅感覺~
 
▲餐廳入面仲有好多酒嘅選擇~
 
▲黎到築地,除咗坐低食,買外賣刺身一樣咁正!
今次揀咗呢碟吞拿魚刺身,一樣新鮮又肥美,都係1000円!
 
▲好新鮮嘅刺身啊~
 
▲如果我可以(姐係如果)日日都食到咁新鮮嘅刺身,你話幾好呢~
 
===============
餐廳資料:
 
築地マグロ伊助
地址:Chuo, Tsukiji, 6 Chome−22−3
營業時間:10:00~15:00; 17:00~22:00(星期日晚及紅日翌日晚上休息)
 
つきじ喜代村まぐろ店(刺身外帶)
地址:4-11-9 Tsukiji、中央区 Tokyo 104-0045