【東京淺草】親親貓頭鷹store

 
講起淺草,好多人都會諗起雷門寺,今次黎到淺草特別d,
帶大家去親親貓頭鷹!呢度同雷門寺好近,行5分鐘就到㗎啦。
落一層我地就黎到貓頭鷹store,入面仲有個雀仔區可以參觀。
 
▲見貓頭鷹之前記得消毒咗隻手先!
 
▲呢隻咁肥美嘅貓頭鷹哪做Snowy Owl,佢真係好似哈利波特果隻!
白雪雪好得意啊~
 
▲有機會拎上手啦!佢其實都唔輕㗎,但佢算溫柔,
只係拍咗兩下翼,有一d會寫住唔可以拎上手,一般係因為
太重或者有攻擊性。
 
▲其實睇番相佢拍翼果下又幾靚喎~
 
▲一開始覺得佢地好可憐,鎖住喺度,但佢地其實閂咗舖
之後,主人會俾佢地喺舖頭自由咁飛嘅~
 
▲好迷你嘅貓頭鷹,好細隻啊~
 
▲深情對望~​
 
▲呢隻一開始唔郁又唔眨眼真係好似蠟像~哈哈
 
▲要入去鳥屋啦,著件防護衣先!
 
▲一入到去一群雀仔飛過黎,第一下真係好驚~(睇片睇佢地點樣瘋狂拍翼啦)
 

▲佢咪就係大嘴鳥囉~
 
▲到之後我已經駕輕就熟~同佢地做咗好朋友lu~
 
▲因為好多雀仔嘅關係,佢地都叫得好大聲,會有d嘈。
個人黎講我鍾意貓頭鷹多d,第一次咁近距離接觸佢地,
真係好得意~ 雖然我覺得佢地困咗喺度好慘的說⋯⋯
 
呢度仲有一d貓頭鷹商品買,有興趣可以睇下~
 
入場費:1500円
 
===================
鳥のいるカフェ 浅草店
地址:東京都台東区浅草1-12-8 大山ビルB1F
時間:13:00〜20:00 (六、日及假期 11:00〜20:00)

回覆

Shirleycobe的圖片

請問使吾使booking 架?如果要,係點book 呀?
Thanks

Xindy的圖片
呢間冇得book架,要walk-in:)