【東京新美食】池袋RINGO吉士蘋果批試食報告(BAKE芝士撻姊妹店)

 
杜如風嘅關係,日本芝士撻專門店BAKE曾經係香港引起熱潮,而家BAKE嘅總公司喺池袋開左一間專買吉士蘋果批嘅姊妹店RINGO!
當知道呢個消息後,我雙眼即刻發光,勁想飛去食,因為自從2月食過青森嘅蘋果批之後,我發覺日本嘅蘋果批真係好好味!(因為細個寫過一啖麥當勞嘅蘋果批之後,就誤以為全世界嘅蘋果批都係咁難食T^T)
 
▼RINGO位於池袋駅外圍,東口一出向左手邊BIC CAMERA方向行,係池袋PARCO格離!
 
▼認住呢個招牌,同埋見到好多人排隊個間就係啦!
 
▼我到達嘅時候係夜晚8點鐘左右,目測前面有30人左右。
 
▼不過我算好彩了,之後越黎越多人,排到去去馬路另一邊~
 
▼舖仔細細,唔算好大,落地大玻璃比我地見到晒入面嘅環境
 
▼雖然見唔到個製作過程,只見到包裝同排列嘅過程,但見到勁多蘋果批排晒出黎覺得呢個景觀好震撼好靚哈哈
 
▼價錢係399YEN一個,買4個會平啲,1512YEN 4個!但每人只限買4個咋~
 
▼排左15-20分鐘終於到我買啦,店舖採取一人收錢一人包裝嘅服務,呢個就係其中一個條龍咁長嘅原因
 
▼買嘅過程會聞到勁香嘅蘋果批味,勁吸引!
 
▼終於到手啦,包裝非常細緻,有網友話呢個包裝嘅design係可以防倒汗水,對買左唔想即刻食嘅朋友係好有用,不過相信唔多唔少呢個包裝成本都有反映係價錢上。
 
▼蘋果批好大個,成隻手咁大~個批仲係暖架,非常新鮮!我唔客氣啦!!
 
▼RINGO蘋果批真係好好味!同青森食到嘅一樣啖啖蘋果肉,冇肉桂純蘋果肉,不過我嫌佢吉士醬多左DD,有啲搶左蘋果肉嘅風頭~詳細食評睇片啦~
 
▼總括黎講係一定推介大家試下!
 
RINGO 蘋果批店
地址:東京都豊島区南池袋1-28-2 JR池袋駅1F
開放時間:10:00 - 22:00