東京及京阪初詣神社推介

又到新年,日本人點都會去一去神社祈求新一年順順利利。
等車長介紹吓東京、大阪同京都最多人去嘅神社啦!
 
東京
代代木明治神宮
 
東京的話當然係明治神宮啦~
全國最多人去初詣~不過車長有年排咗4個鐘先入到去,最好天光先去,至少無咁多人。
JR山手線原宿/代々木站行約10分鐘就到!
 
目黒不動尊 瀧泉寺
 
2016年運氣欠佳同唔太順利的話,就要去目黒不動尊 瀧泉寺初詣喇,有成1200年歴史,好多人都話會由運氣欠佳轉為不錯。
JR山手線目黒站行約13分鐘。
 
飯田橋東京大神宮
 
貴為伊勢神宮嘅分社,就同本社一樣求姻緣同婚後順順利利!
JR中央・総武線飯田橋站行約5分鐘。
 
京都
伏見稲荷大社
 
貴為全日本三萬間稲荷神社嘅總社,
去伏見稲荷大社初詣的話會保佑你2017年平平安安。
JR奈良線稲荷站行1分鐘。
 
左京平安神宮
 
京都最多人去初詣嘅神宮櫻花形嘅守護符,話説好有効果!
坐京都地下鐵東山駅落車行10分鐘。
 
左京下鴨神社
 
 
世界遺産下鴨神社,創立於公元之前,毎年都好多靚仔靚女去求姻緣。
坐京阪鴨東線出町柳落車行10分鐘
 
大阪
住吉區住吉大社
 
大阪最多人去初詣嘅神社,想求利益的話就要去呢度喇~不過因為係大阪市都心附近,要預排好長嘅隊呀!
坐南海電鐵住吉大社落車行3分鐘。
 
難波今宮戎神社
 
見到門口就知道求商賣繁盛啦~
坐南海電鐵今宮戎駅落車行3分鐘。
 
梅田露天神社(お初天神)
 
最近梅田嘅露天神社都係求姻緣多~都好多靚仔靚女去。
私鐵/地下鐵梅田及JR大阪站行去15分鐘。
 
但如果大家真係唔想同人迫住去,其實之後去都唔驚。一般日本人就覺得好意頭嘅話,頭三日去感受下神聖嘅氣息係最好既。
而車長都習慣頭一日下午去。