六本木有間好特別嘅cafe，入面有好多刺蝟！
就咁聽，未見過真係會覺得刺蝟好惡、好多刺會好易整親手，
但事實又係咪真係咁嘅呢？ 即刻一齊睇下啦！
▲喺 2F 呢間就係刺蝟cafe啦，上面仲有間Bunny Cafe！
▲店內有好多玻璃箱，入面就係一隻隻mini刺蝟啦！
▲刺蝟佢地呢唔鍾意人摸佢背脊㗎～佢地一般會縮埋一舊，
好驚生保，所以對佢地溫柔d就冇有怕啦！
睇下喺茶杯入面呢隻幾得意！
▲同佢地玩之前呢，記得要消毒下隻手啊！
揀好咗一隻刺蝟之後，如果想轉軚換另一隻嘅話呢，
可以同店員講聲，佢就會幫你㗎啦～
▲呢隻係我揀嘅第二隻黎嘅，因為第一隻太驚陌生人，
所以佢縮埋一舊d刺又谷得好勁，所以店員就幫我換咗隻啦。
▲你睇我幾輕易就拎咗上手～(睇片更刺激)
▲佢喺我隻手上面爬黎爬去，好痕又好攪笑～
▲呢間cafe雖然叫做cafe，但係冇野食㗎。
佢只提供飲品corner，可以自助沖番杯野飲～
▲店外都有幾隻刺蝟裝飾，好得意！
▲店內嘅刺蝟係可發售㗎，有興趣可向店員查詢。
＊小tips：建議去之前上網或電話預約咗先，因為都幾多人去㗎！
價錢：1000円/30分鐘(可選定一隻刺蝟)
＝＝＝＝＝＝＝＝＝＝＝＝＝＝＝＝＝＝＝＝＝＝
刺蝟 ハリネズミ専門店
地址：東京都港区六本木 6-7-2
六本木駅から徒歩1分（日比谷線3番出）
營業時間 : 12:00 ~ 21:00
網址：http://www.harinezumi-cafe.com/
About Post Author
