東京人的夜生活:夜蒲推介西麻布a-life!

 
今日同大家介紹下東京嘅夜~生~活!嗱,唔好話我教壞細路,clubbing雖然係好多人狩獵嘅地方,但亦都好適合精力充沛又鍾意一班friend好high跳舞跳全晚嘅。呢間位於西麻布嘅「a-life」,共有三層,可以係入面跳舞、social、食飯甚至唱K呢!
 
其實都真係第一次嚟東京clubbing。之前聽過好多傳聞,例如:㗎仔唔識跳舞、喺日本clubbing係唔俾跳舞、因為日本好保守所以只有好「花」同「搵食」嘅女仔先會去clubbing等等...但今次親身經歷過先覺得,其實個clubbing文化同香港差唔多啫!

1984年日本制定法例「風俗營業法」嚴厲打擊日本夜生活,認為深夜營業嘅Night Club係風俗或少年犯罪嘅溫床,以致有成60年時間日本都唔認同clubbing呢個文化,更令到有一段時期好多club都摺埋。a-life嘅前身、六本木同西麻布區數一數二嘅名club「Brand Tokyo」亦都因此休業,不過隨著法例改變,以「a-life」為名重開,希望透過嚴謹嘅保安制度為大眾提供一個可以安心跳舞同clubbing嘅地方。(以前係日本12點後跳舞係犯法架

 
a-life有三層,最上層2樓係「SALON」,係比較高級嘅lounge,私隱度較高並提供紅白酒、香檳、威士忌同雪茄。呢度仲有個超隱蔽嘅密室係VIP Party房俾啲藝人明星嚟玩、仲可以唱K添!不過收費就梗係貴賓級㗎喇。
好似我做訪問個間大房,盛惠一小時3萬yen!(細房半價)
 

地面1樓係一個叫「SOUND BOX LIFE」嘅空間,有個開晒燈嘅好靚嘅吧檯同就周不時有香檳姐姐行來行去。老闆最自豪新裝修好嘅a-life有好高級嘅音響設備,呢個天花板有成12個Martin Audio Speaker設備,提供極高音質嘅音樂俾係吧檯飲酒嘅朋友,計埋旁邊嘅檯總共有54個位。大家飲夠就可以落下一層跳舞啦喂!

(圖片來源自:a-life IG

地下1樓「A-STUDIO」係容納到800人嘅dance floor,旁邊都有吧檯。留意返呢層只會係週末開放。同時DJ後面都有VIP lounge等有錢玩嘅朋友可以近距離觀摩DJ打碟,亦可以俯瞰勁high跳緊舞嘅大家。

 
我問過日本蒲開嘅朋友就話新宿涉谷嘅club比較多日本人,而六本木就比較多外國人,啲人比較開放啲、而且有多啲識講英文嘅人。a-life老闆就話今次請咗好多識講外國語言嘅店員希望可以serve到唔同國家嘅客。
 
來自英國嘅Nicol同Hannah就同我講覺得係東京雖然d人跳舞唔夠倫敦clubbing放,但就感覺好高級、好classy!
今次我有幸係Grand Opening去採訪,個場係真係好好氣氛嘅~但真係睇得出外國人跳舞會多過日本人嘅。同埋個場就真係同六本木中心地區有段距離,女仔著高踭鞋可能會覺得很得耐。不過個場夠新,保安又做得好,相信都會繼續吸引好多人去玩嘅!(當晚見到好多model同dancer嚟玩,都幾靚仔靚女啵!)
 
我仲有幸遇上來自加拿大的六舊腹肌天使,即刻集郵!
最後介紹番收費啦!(資料來自官方網站
其實呢度每逢星期一都唔收入場費用嘅~
星期二:R&B Tuesday,只要show官方網站個event page出黎就可以有折扣,男士1000yen、女士免費再包兩杯飲品。
星期三、四:9pm至11pm免費入場/11pm過後就男士2000yen、女士1000yen,各包兩杯飲品。
星期五、六或公眾假期:11pm前男士3000yen入場、女士1000yen/11pm後男士4000yen(開張優惠3500yen)、女士3000yen(開張優惠2000yen),全部包兩杯飲品。
(VIP book檯費用可以參考呢個網站