【最想佢做我愛人!】之男女歌手篇 (又係時候FF喇)

日本音樂情報雜誌《CD&DLでーた》訪問咗日本10-39歲嘅男女讀者,調查佢哋最想同邊個歌手拍拖!
睇番個結果果然係好豪華呀~ 快啲睇下你嘅男女神有冇上榜啦!
 
男性部門結果發佈:
第10位:ATSUSHI (EXILE)
第9位:稲葉浩志(B'z)
第8位:岩田剛典(EXILE/三代目 J Soul Brothers)
第7位:相葉雅紀(嵐)
第6位:大野智(嵐)
第5位:桜井和寿(Mr.Children)
第4位:二宮和也(嵐)
第3位:櫻井翔(嵐)
第2位:星野源
第1位:福山雅治
永遠嘅男神福山雅治估唔到結咗婚都仲係咁受歡迎呀!雖然公佈婚訊嘅時候好似流失咗大量中女粉絲,但睇嚟年輕嘅一代覺得佢結咗婚之後更加man,仲得到最多3字頭受訪者嘅票數添!佢哋仲話福山結婚一啲都唔影響佢嘅有型程度呢。
 
今季仲主演愛情日劇《Love Song》,我都好想俾福山瘋狂壁咚啊啊啊啊啊啊
 
另外得到最多10-29歲票數嘅有包括國民偶像組合「嵐」嘅5位成員全部都榜上有名(松本潤排12),證明佢哋係後生一代嘅眼中始終都好高人氣呢!
 
新上榜嘅有排第2嘅星野源、第8位三代目J Soul Brothers嘅岩田剛典同第10位EXILE嘅ATSUSHI。星野源最近越來越活躍,粉絲們貪佢樸素得嚟好似好溫柔,同埋鍾意佢個面癱樣呀!其實佢唔單止好唱得,仲識好多樂器,咁多才多藝梗係引死女啦~
 
岩田剛典其實係超級富二代,係日本娛樂圈算係公子級人物嚟架!王子feel得嚟有時又幾傻又幾可愛,但上台又型同chok到痴線,所以最近超受日本妹妹歡迎,大家都FF自己成為灰姑娘呀!

 

咁女神方面又邊個歌手最受歡迎呢~揭盅喇!
 
女性部門結果發佈:
第10位:大原櫻子
第9位:きゃりーぱみゅぱみゅ (Kyary Pamyu Pamyu)
第8位:吉岡聖恵(生物股長)
第7位:山本彩(NMB48)
第6位:安室奈美恵
第5位:aiko
第4位:西内まりや
第3位:YUKI
第2位:miwa
第1位:西野カナ
 
我就真係估佢唔到喇!?妹情歌天后西野加奈成為最高票數嘅「最想同佢拍拖」女歌手第一位!
唔好誤會!我都好鍾意Kana啲歌架~結果就話俾我哋知一向出名唱歌能引起女性共鳴嘅Kana實力已經令佢得到埋男性粉絲嘅支持喇~另外,之前第一位嘅miwa就跌咗落第二位。
 
YUKI、aiko、安室奈美惠等長期榜上有名嘅都順利蟬聯繼續上榜。反觀今次新上榜嘅有第4位嘅西內麻里亞、第7位嘅山本彩同第10位嘅大原櫻子。除咗覺得佢哋個個都kawaii同唱歌好聽之外,受訪者都表示覺得鍾意西內麻里亞嘅性格同埋佢講博多方言嘅時候好可愛。
 
山本彩就因為帶著關西人獨有嘅笑點同埋鍾意棒球所以男性粉絲話覺得會好有話題好好傾,因此得到支持,成為AKB組合系列唯一一位上榜嘅成員。我自己覺得彩姐身材好又多才多藝,識得自彈吉他自唱又可以跳型格舞,上榜唔係無原因嘅~
 
最後送上女歌手第一位西野加奈嘅新歌俾大家啦~今次首歌講一個女仔形容自己鍾意戀人d乜野,真係好sweet!