日迷票選「2016年十大最有魅力動畫角色」

嚟到一年嘅尾聲,近排都越來越多綜合2016年嘅排行榜post推出。今日要講嘅就係日本動漫網Charamedia主辦,由日本動畫迷選出嘅2016年十大最有魅力動畫角色排行榜。唔知有冇大家嘅心水呢~
 
第十位:三日月·奧古斯 《機動戰士高達鐵血的孤兒》
第九位:愛蜜莉雅 《Re:從零開始的異世界生活》
第八位:月島螢 《排球少年》
第七位:坂田銀時 《銀魂》
第六位:涼風青葉 《NEW GAME!》
第五位:中原中也 《文豪野犬》
第四位:維克托·尼基福羅夫 《Yuri!!! on ICE》
第三位:惠惠 《為美好的世界獻上祝福!》
第二位:太宰治 《文豪野犬》
第一位:雷姆 《Re:從零開始的異世界生活》

 

第一位就唔使多介紹,相信有睇開動漫嘅都會知道偉大嘅雷姆啦!身為動畫《Re:從零開始的異世界生活》嘅女主角之一,佢粉藍色嘅短髮同一身女僕裝都非常容易辨認。佢今年已經攞過唔少有關角色喜愛度嘅獎,聽講今次仲贏咗好多男性粉絲嘅票數添!

 

第二位嘅太宰治,講緊係將日本嘅著名作家化為特殊能力者嘅動畫《文豪野犬》嘅主要角色之一。今次《文豪野犬》有成三個角色上頭20名,風頭都幾犀利喎!

 

第三位就係《為美好的世界獻上祝福!》嘅惠惠めぐみん~其實我就冇睇呢套動畫,不過睇維基佢嘅角色設定係:自稱紅魔族第一名的天才魔法師,黑髮紅眼,年齡14歲,是個有嚴重中二病的蘿莉...好似幾有來頭咁喎XDD 同雷姆一樣,佢都得到好多男性粉絲嘅票數~同第四位嘅俄羅斯超美型世界溜冰冠軍維克托·尼基福羅夫只係差一票咋

 

想睇晒成個頭20名嘅排行可以睇番Charapedia嘅網站
 
然後我真係唔明東方仗助有乜理由只係排17囉!
(同埋岸邊露伴老師呢!?)
 

資料來源:Charapedia