日本黑道皇者,人中之龍6要出啦

賣飛佛,人中之龍要出6啦!!

係啱啱過去嘅台灣電玩展,《人中之龍》系列總監督名越稔洋,就公佈左PS4 專屬《人中之龍 6》(暫定名稱)試玩版。


如果你之前有買《人中之龍極》嘅話就可以免費獲得呢個試玩版。
 

試玩版係一個獨立既短篇故事,俾玩家感受一下人中之龍系統同內容嘅革新。當中最令人注目既就係佢嘅「無接縫」。而家過場,探索同戰鬥都可以直接了當,唔需要再等。雖然唔係所有場所都可以自由出入,不過對遊戲嚟講已經係一大進步。

戰鬥方面,除左過往埋身肉搏,善用身邊道具,爆極出大技之外,今次仲加入左大混戰。除咗敵人之外,一個唔小心你就會打中自己友,小心俾人誤會係反骨仔。

係6代入面,桐生無得再自由切換戰鬥風格,但係佢地話桐生既招式種類唔會因為咁樣而減少,依然有前無後,打死罷就。


至於角色方面會係單一主角定係多重角色切換,佢地話因為涉及到劇情所以唔方便透露。不過對小編嚟講,數量唔重要,故事好先至最重要。

仲有另外一樣野小編好關心嘅係d小遊戲,同埋今次又會唔會有女優參演。佢地話6代個地圖比5代一定會大好多,相信內容都會增加好多?係期待嘅。

俾個完整試玩內容大家感受下桐生既魅力啦。
 

 

遊戲名稱:人中之龍 6(暫定名)
遊戲原名:龍が如く6
遊戲類型:動作冒險
對應平台:PlayStation 4
販售地區:台灣,香港
發售日期:2016 年秋季
建議售價:未定
語言版本:繁體中文字幕,日文語音