日本靜岡有得坐Thomas火車?

好多人細細個都睇過Thomas火車頭啦,有男仔好鍾意佢,又有D人話佢個樣好恐怖,點都好佢都算係好出名嘅公仔黎!點知原來,日本真係有Thomas火車頭坐嫁!!!
Thomas火車係屬於靜岡嘅大井川鐡道嘅,佢其實由2014年夏天開始已經有Thomas號可以坐嫁啦,不過佢就係每年期間限定運行嘅,唔係全年都有得坐。而今年就限定喺2016年6月11日至10月10日期間行駛,共77日,有興趣嘅話而家買定機票都趕到呀!而且佢仲會喺今年新增Thomas個friend,果架紅色巴士添!即係話有得坐Thomas火車之外仲有得搭巴士!好打耳呀好似入左火車頭套卡通入面咁!
本來暫時係得Thomas號同James號,James號就係呢架啦,車身紅色同外面嘅綠色做成鮮明對比,sharp到爆!
而Thomas個friend,阿巴士先生(對唔住我唔知佢叫咩名)將會喺今年6月-7月首次登場啦!佢係一架好可愛嘅紅色巴士,路線基本上同火車一樣,只係變左巴士版本。
登場予定時期 :2016年6月~7月(※開始營運予定由7月開始。)
運転区間 :新金谷駅前⇔千頭駅前。(※沿住大井川的道路來回駕駛。)
乗車定員 :1架車16名
而喺千頭駅果到,每日都會有Thomas嘅展覽嫁!果到就唔止得Thomas同James,仲有佢地其他朋友仔等緊你地。Thomas迷就一定唔可以錯過啦!展覽入場費係500円(小學雞以上),而會場裡節目大部份都係免費嫁啦!
 
■ 基本情報
・名稱: 大井川鐵道 バスのバーティー
・運行區間:新金谷(静岡県島田市)⇔千頭(静岡県川根本町) 單程距離 37.2km
・登場時期:2016年6月11日~10月10日