日本鐵路小知識:山形新幹線同秋田新幹線並唔係真正新幹線?

今年北海道新幹線通車後,
終於可以由北海道坐子彈火車到九州!
日本本島以外只欠四國無得坐子彈火車!
不過營運緊嘅新幹線之中,
 
有2條新幹線就比較特別,
個名就叫新幹線,正式規格係迷你新幹線,法例上就普通客運路線。
分別係福島至新庄嘅山形新幹線、
仲有盛岡至秋田嘅秋田新幹線。
「媽呀!我好亂呀!又個名,正式規格,又法例上,到底有咩分別?」
 
其實日本新幹線嘅定義係「主要列車可以係時速200公里上行走嘅高速鐵路路段」
其中入面嘅高速鐵路解析就係「同普通客運路線不同,必需使用特殊嘅規則及建造方法」
 
所以北海道新幹線内嘅青函隧道,雖然只以時速140公里行走,但係「主要列車,主要路段,特殊嘅規則及建造」係符合新幹線嘅定義。同様地,東海道新幹線,山陽新幹線,東北新幹線,上越新幹線,九州新幹線,北陸新幹線同北海道新幹線都係屬於新幹線正式規格。所以列車大小都同普通在來線都不同。
 
所以法例上亦都係屬於新幹線,名稱亦係新幹線。
 
但係JR東日本嘅山形同秋田新幹線,係同普通客運路線一様,無特別嘅規則及建造,最高速亦只有時速130公里。
其實山形新幹線通車前,只係普通客運路線奥羽本線其中一段,
而秋田新幹線通車前亦一様只係普通客運路線田沢湖線・奥羽本線其中一段。
 
 
法例上通車前同通車後,都只係一條普通客運路線(在來線)。
出現呢個情況係因為要減少興建新幹線新線嘅經費,
就利用原先在來線嘅1067mm窄軌軌距路線,拓寬為1435mm嘅新幹線規格標準軌路線及小量改良之後,
令到同一架列車可以行駛呢一段在來線同新幹線,而客人係無需要落地轉車。而在來線仲可以畀普通列車行走!
 
(又叫新在直通,即係新幹線及在來線叫直通運行)而列車大小因為要係在來線上行走,所以會同在來線列車同一個大小。
 
 
點解要咁做?