【日本美食】日本麥當勞早餐必試「鬆餅漢堡包」

去日本仲食麥當勞!?唔係呀麻?係呀,我真係推介你黎到日本食一次麥當勞,不過係早餐時段,因為日本麥當勞喺早餐時段有一個香港食唔到嘅漢堡-叫做鬆餅漢堡,係非常好味道!
 
▼日本麥當勞同香港一樣總有一間在左近
 
 
▼鬆餅漢堡一共有3款口味,包括煙肉蛋鬆餅漢堡(單價290YEN);豬柳蛋鬆餅漢堡(單價290YEN)及豬柳鬆餅漢堡(單價130YEN)
 
▼除左單點之外,亦可加以下價錢叫SET,會有一杯飲品及以下食物!
 
▼我就叫左一個煙肉蛋鬆餅漢堡嘅SET,食過日本嘅沙津都知日本嘅沙津係好味同新鮮過香港勁多倍,所以識揀一定揀配沙津嘅SET!
 
▼打開個包就見到上面中印住麥當勞嘅logo
 
▼鬆餅好軟熟!口感帶有微微嘅甜味,再配上咸嘅煙肉蛋,係一個好MATCH嘅配撘!鬆餅+煙肉+半熟蛋+半熟芝士=簡直係人間美食!!
 
▼另一日我再試埋豬柳蛋鬆餅漢堡
 
▼但呢一間分店就整到個蛋熟左少少,但係都好好味呀!可以見到鬆餅入面係有好多蜜糖!
 
▼不過豬柳蛋鬆餅漢堡同煙肉蛋相比,我係會投煙肉蛋一票!
 
▼介紹埋個沙津比大家,麥當勞嘅沙津唔會話因為快餐店水準而難食,都係非常新鮮,同埋佢SIZE唔會太大,細細杯岩岩好,而醬汁包裝更採用唔會整污漕隻手嘅設計,非常方便!
 
▼超好味呀!!
 
▼實不相瞞,其實我喺香港真係極少食麥當勞早餐,尤其係唔會點早晨全餐,因為我覺得佢地個蛋成日都煮得太熟好難食,再加上個麵包皮又係好硬,我就唔係太鍾意~
不過食過日本嘅早晨全餐又係另一回事,佢個蛋煮得超好味,麵包又鬆軟左勁多!點解會咁架?同一架餐廳唔同國家可以差咁遠
 
▼CLOSE UP個蛋比你睇,真係好滑好好味!
 
日本麥當勞分店:

回覆

貝的圖片
yes!去日本必食