日本第一間便利店結束營業

 

「呢度嘅前身係日本史上第一間便利店，Cocostore1號店。日本的便利店歷史由此開始。」

 

 

呢度前身係「Cocostore藤山台店」，1971年開業，有售賣酒類、便當，甚至小菜。當然佢係咪真係日本第一間便利店，已經未必證實到，不過佢的確陪住藤山台一整代人成長。

 

 

可惜，隨住Cocostore被FamilyMart收購，FamilyMart卻不肯繼續經營此店，店舖不得不於今年9月轉以TAC-MATE嘅名義繼續營業，不過由於藤山台店停車場等配套差，附近又有其他大型連鎖店經營，加上當區人口老化及減少，苦苦經營兩個月終逃不過結束營業的厄運。