日本環球影城夏天期間限定試玩報告!

日本環球影城夏天期間限定試玩報告!

 

Like Japan不嬲都有介紹開日本環球影城(USJ)嘅新聞俾大家,今次我啊Anne就親身去埋USJ睇下今個暑假嘅限定主題有幾好玩,同大家分享下我嘅感想啦!(如果想知道買飛價錢或詳情、可以參閱返之前嘅報導~)
 

首先講解返,今次嘅行程我體驗咗以下嘅活動:

 

妖怪體操:The Real (期間限定)
七龍珠Z:The Real 4-D(期間限定)
死亡筆記:The Escape(期間限定)
日本環球影城 RE-BOOOOOOOORN遊行
Water RE-BOOOOOOOORN派對(期間限定)
迷你兵團 Cool Time(期間限定)
哈利波特禁忌之旅 IN 4K3D
好萊塢美夢 乘車遊 ~逆轉世界~

 

餐廳:
妖怪影城巨星餐廳(期間限定)
草帽大船團的饗宴餐廳(期間限定)

 

《介紹/感想文  5分滿分》
~設施篇~

 

七龍珠Z:The Real 4-D (4分)

日本環球影城夏天期間限定試玩報告!

日本環球影城夏天期間限定試玩報告!
你又知唔知龍珠今年其實係30週年呢?呢套深受全世界粉絲歡迎嘅動漫第一次以全CG姿態現身喺觀眾眼前,我第一次見到悟空個樣都覺得好似有啲怪,但原來係因為立體咗睇唔慣XD 今次嘅角色講述萬惡嘅菲利復活向悟空挑機,仲要有35億攻擊力添呀!如果你鍾意睇動作片或者本身有睇過《七龍珠》,我真係會非常推薦你睇呢套4D阿!超級大製作,睇個陣直頭覺得有荷李活製作水準,有少少感動添呀!但如果你未睇過龍珠又唔識聽日文(其實動作場面多過對白)有人同我講過覺得睇到眼瞓…

 

妖怪體操:The Real (3分)
日本環球影城夏天期間限定試玩報告!
如果係一家大細嚟玩都幾得意嘅~小朋友可以坐最前面跟哥哥一齊跳妖怪體操,大人坐係後面睇又覺得幾得意嘅。但係日文對白較多,唔識日文就欣賞下做得幾逼真嘅CG點樣同真人合體表演啦!

 

死亡筆記:The Escape (10分)
日本環球影城夏天期間限定試玩報告!
冇錯,5分滿分嘅話,呢個《死亡筆記》嘅巨型密室逃脫我會俾10分。真係好好好好好玩。唔駛擔心唔識日文會唔識玩or唔明點玩,雖然喺一開頭帶大家入戲嘅小劇場你未必聽得明(其實仲好,有刺激感),不過你會得到一部iPad係有多國語言(而且唔係Google Translate個種,而係真係睇得明嘅中文),所以跟住中文指令玩絕對冇問題。雖然呢個要另外買飛入去玩,但我真心覺得值門票價!!你諗下喺香港玩密室逃脫分分鐘係間好細嘅房,但呢度嘅舞台設定係4層樓高嘅電視臺!真係好刺激架!
 
哈利波特禁忌之旅 IN 4K3D (3分)
其實好多港人去到都可能玩過嘅哈利波特。我玩過兩次,兩次都覺得好暈,不過可能兩次都係前一晚唔夠瞓有少少影響到掛!(利申:身體健康,好鍾意玩機動遊戲)霍格華茲個城堡做得好靚,如果係粉絲應該要嚟見識下嘅~但真係唔好食完飯嚟

 

好萊塢美夢 乘車遊 ~逆轉世界~ (4.5分)
日本環球影城夏天期間限定試玩報告!
有機會係全個樂園入面最好玩嘅過山車!其實《好萊塢美夢 乘車遊》就係USJ好多年歷史,但呢個逆轉世界係後來加建一個倒後行版嘅《好萊塢美夢 乘車遊》,因為睇唔到前面嘅路軌所以驚喜感更加高,你唔會知道幾時轉幾時沖落去。想更加刺激嘅話就建議大家坐最左或最右,真係會feel到個身好似要飛出去咁勁刺激XD

 

《表演/遊行篇》
迷你兵團 Cool Time (4分)

日本環球影城夏天期間限定試玩報告!

嚟USJ點可以唔嚟睇Minion先!小小兵真係好可愛~烈日當空睇係會有啲熱,不過唔緊要,因為小小兵會噴冰射觀眾,雖然會濕但真係會透心涼,同埋堅係會「哇」左出聲!

 

Water RE-BOOOOOOOORN派對(5分)

日本環球影城夏天期間限定試玩報告!

如果你以為呢個只係一個會濕少少嘅夏季巡遊表演,你就錯了。今年USJ主題係「RE-BOOOOOOOORN」,仲話會玩到癲到你唔信。大家千祈要小心電話相機,就算你退到最後貼住牆你都幾大機會濕身架!相反,如果你好鍾意水戰好enjoy濕身,你可以買埋特製水槍同表演嘅靚仔靚女鬥射添!雖然濕身唔係個個鍾意,但佢哋用巨型水柱同水桶個下我真心佩服咗,原來真係可以玩到咁大。日本環球影城夏天期間限定試玩報告! 因為爽,所以我俾滿分5分!

 

日本環球影城 RE-BOOOOOOOORN遊行(3.5分)
日本環球影城夏天期間限定試玩報告!
可惜天雨關係我未能睇曬成個巡遊(其實d工作人員已經好pro,落大雨都會盡量繼續進行巡遊)。不過可能經歷過Water Party之後覺得呢個show無咁震撼,但就可以好多花車同舞蹈人員表演~最後都會噴泡泡架!

 

《食物篇》
草帽大船團的饗宴餐廳 (4分)
日本環球影城夏天期間限定試玩報告!
日本環球影城夏天期間限定試玩報告!
日本環球影城夏天期間限定試玩報告!
其實呢間餐廳係平時侏羅紀園區嘅餐廳,掛左海賊旗同redecorate左牆紙同設計menu後搖身一變成為草帽餐廳。餐廳入面loop住動畫版既主題曲,fans會覺得幾有feel~同埋fans一定唔可以錯過呢個杯,真心靚!聽講舊年都有賣,不過今年就加埋Zoro同巴拓洛米奧嘅杯。呢個餐廳嘅主題係打完杜夫拉明高之後一班超強海賊要拜路飛為大佬,所以間唔中班店員會同你講,「我地一齊舉杯慶祝喇!」食物方面,雖然個飯好有份量,而且舊肉真係好巨,但感覺凍得快,同埋有少少難切黎食。選擇方面除左肉還有雞。甜品的帽子一個係芒果味一個椰子味,兩個都係mousse cake,偏甜~

 

妖怪影城巨星餐廳 (3.5分)
日本環球影城夏天期間限定試玩報告!
日本環球影城夏天期間限定試玩報告!
日本環球影城夏天期間限定試玩報告!
如果小朋友鍾意妖怪手錶的話嚟呢度應該會好興奮~首先試食咗咖喱白蛋包飯,不過不失,不過得蛋白就真係冇乜蛋味,但影相呃like係得意嘅。反而另外個set嘅蛋三文治同熱狗我覺得幾好食。地縛喵同歌瑪先生蛋糕都係mousse cake,比One Piece的更加精緻但都係偏甜。

 

哈利波特園區新推出:牛油啤酒味雪糕 (5分)
日本環球影城夏天期間限定試玩報告!
每次嚟環球影城我都一定要飲哈利波特園區限定嘅Butter Beer,今個夏天佢推出埋雪糕真係好正呀日本環球影城夏天期間限定試玩報告!!唔會太甜但又有牛油啤隻味~有時拎住咁大杯嘢飲行來行去都唔係太方便,所以食雪糕都係一個唔錯嘅選擇呀~
 
舊金山區:測試你嘅運氣 - 刨冰輪盤!(4分)
日本環球影城夏天期間限定試玩報告!

日本環球影城夏天期間限定試玩報告!
喺舊金山區你會見到幾架唔同嘅食物車,當中有呢個超級刨冰輪盤!日本嘅刨冰一杯係600Yen,如果你轉一次跟住抽到WIN嘅話就會免費升級至呢個超級大大大碗嘅超級刨冰!不過夏日炎炎係幾消暑嘅,但真係唔會食得晒日本環球影城夏天期間限定試玩報告!其實一杯都好夠食呢~

 
《精品篇》
一場嚟到梗係要掃番啲紀念品走架啦!雖然我個喼唔夠大所以冇乜點買嘢,但呢度就有好多相話俾大家知有乜買喇!
日本環球影城夏天期間限定試玩報告!
日本環球影城夏天期間限定試玩報告!
日本環球影城夏天期間限定試玩報告!
日本環球影城夏天期間限定試玩報告!
日本環球影城夏天期間限定試玩報告!
今次嘅分享係咁多先!今年萬聖節聽講USJ又有超勁嘅鬼屋陣容等緊大家,有無朋友諗住去呢?日本環球影城夏天期間限定試玩報告!