日本沾麵推介-沾麵始祖大勝軒

▼京都有一間食店係我每次去京都都一定要食!
 
▼就係一間位於京都車站10樓
 
▼拉麵小路裡面嘅
 
▼大勝軒!
 
▼我知道大勝軒起源於東池袋,你可能會問去東池袋本店食唔會唔正宗啲好味啲,的確係有呢個可能,之不過其實大勝軒嘅創辦人山岸一雄已經榮休,而家所有分店都係唔同嘅徒弟管理,但有機會我都會去東池袋本店試下!
由於京都站係去京都必經嘅車站,所以呢間嘅分店嘅位置實在太方便,令我可以每次去京都都品嚐到!非常幸福~
 
▼門口貼出左唔同嘅沾麵款,除左沾麵仲有拉麵選擇
 
▼我就唔駛諗一定係選 “元祖沾麵”
 
▼而朋友就選擇左 “濃厚魚介沾麵”
 
▼另外再叫多一碟餃子
 
▼今次我地被按排坐枱
 
▼之前食過幾次我地都係坐BAR枱的;由於我地接近關店時間大約9點幾先食,所以就冇乜人唔駛排隊,但溫馨提示:大部分時間都有長龍,記得避開熱門時間呀!
 
▼首先黎到嘅係“濃厚魚介沾麵”
 
▼話明“濃厚魚介沾麵”,個湯真係好濃
 
▼麵質非常高質,爽口彈牙嘅口感,真係超好味。
 
▼跟住到我最愛嘅 “元祖沾麵”出場!
沾麵嘅湯底通常分為偏向較濃嘅魚介濃湯同酸甜開胃嘅湯,而我就鍾情於後者,即係元祖呢一款!
 
▼其實我第一次食個時冇即刻愛上,只係覺得都幾好味喎;但唔知點解食完之後我會無時無刻都想再食,然後我就發覺呢碗沾麵真係有個魔力喺道!
我太鍾意個種凍嘅沾麵配上熱嘅沾麵湯夾埋一齊嘅化學作用;再加上呢道酸甜湯底味道好好,非常開胃!
 
▼魚介濃湯VS元祖酸甜湯底
喺我眼中,元祖酸甜湯底大勝!不過我知道好多人都鍾意魚介湯底多啲哈哈,所以我成日覺得好多食物都係口味問題,你覺得好味嘅野我唔一定覺得好味,相反亦言~
 
▼而呢道嘅筍我都覺得好好味!
 
▼呢道嘅沾麵係唯一一個食物我係可以極速食完同快過朋友好多食完嘅食物!因為真係超開胃超好味!
 
▼餃子就不過不失啦,唔係必點之選!
 
大勝軒 京都拉麺小路店
地址:京都駅ビル10F 京都拉麺小路店 内
營業時間:11:00~22:00
電話:075-365-5066
網址:http://www.tai-sho-ken.com/top.html