日本期間限定!34萬人都去過既最大型雛人形展!

係黎緊星期五,於目黑雅叙園會舉行為期個半月既「百段雛祭」。
係園內,東京都指定有形文化會開埋「百段樓梯」。
展內集結左日本各地唔同時代既雛人形,之前開左6次,已經有34萬人去過展覽!
係都內最大型既雛人形展黎架!率先帶大家睇下雛人形啦!
 

「明月吐光~陰風吹柳巷~是女鬼覓愛郎~~~」
要行呢條咁陰暗既樓梯都咪話唔驚,硬係覺得咒怨BB會突然出現係面前咁……
都幾淆底架,但點都要入去睇下!一入到去……
 

「二奶哂姨媽死~~~」
「歡迎蒞臨『百段雛祭』!」

好華麗呀!如果我都有件咁靚既和服就好喇!!!


 
就連頭飾都造得好仔細,真係不得不佩服日本人既手工藝。
阿叻畫既神鳥鳳凰你就睇得多啦!等我俾你睇下日本人畫既神鳥啦!!


 
連雛人形背後既屏風都畫得好靚呀!
唔係講笑,如果有實物大既話,我都想買返個擺係屋企!


 
你地有無聽過一個日本傳說呀?話呢D雛人形呢,會生頭髮架。
我見到呢4隻,背後唔知點解有D寒意……
 

媽呀!你睇!佢頭頂!!!有D短毛豎起左呀!!!!!
打死我都唔會買呢D有頭毛既雛人形返屋企呀!
 

都係呢D岩我,無頭毛既,笑容真係親切過親切的雞子。

 

呢個好正!手工好精緻!
旁邊仲放左藝術家夫婦既合照,睇黎呢件藝術品都幾有歷史。


 
其實,有唔少日本人都會放雛人形係屋企架。
屋大D既,真係會好似咁,放到成座山咁。

 

咩叫做霸氣?咪就係咁囉!
但如果好似反斗奇兵咁,成班雛人形係夜晚時識自己郁,跳埋開心舞,都咪話唔開心呀!
果然,雛人形都係,可遠觀而不可褻玩焉。
如果有興趣睇雛人形,行下條陰暗樓梯既話,不妨去下。

「百段雛まつり」~みちのく雛紀行~
開放日期:2016年1月22日(星期五)~3月6日(星期日) 共45日 ※期間無休
開放時間:10:00~18:00(最後入場17:30)
入場費:1,500円(預售劵1,200円,學生800円 ※需出示學生證)
※小學生以下免費
會場:目黒雅叙園 東京都指定有形文化財「百段階段」
地址:東京都目黒区下目黒1-8-1