日本最強整容男女!!!

而家韓風當道,已經愈黎愈多人接受到整容呢樣野,認為只要整完之後敢認,又可以令自己自信心強D嘅話,都不妨係好事黎。拿我都係咁認為,反正個樣係自己嘅,都無乜資格話人整容,之但係,喺日本有一男一女,分別都係非常熱愛整容嘅人士。熱愛到好似女仔熱愛化妝咁,你就得閒化下妝,佢就得閒整下容!我講真嫁,而家就同你地介紹下呢兩個「整容天皇天后」啦!
 
女嘅叫做ヴァニラ
佢截至2015年,全身上下總其郁過40幾次。無錯係全身上下,唔係得個樣。
花喺整容嘅錢已經高達3000萬円!!!
咁其實佢應該係活喺自己幻想世界入面嘅人,因為佢自我介紹時唔係講「こんにちは」,而係講「Bonjour」,成日話自己係來自法國嘅公仔喎...(反白眼反到後腦)
呢個就係佢未整容前嘅樣,好啦都無人認到嫁啦是但啦,反正佢開始整容嘅原因係當時不停被人笑佢係豬扒,生活得好唔開心,所以就踏上左呢條不歸路啦!
佢整過嘅部份包括鼻(450萬円),眼(200萬円),下巴(80萬円),胸(200萬円,由E cup整到J cup…E cup都整嘅原因到底係咩)
之後,佢仲用左300萬円整左副全世界最白嘅牙…
好不安囉,其實之後咪要瘋狂洗牙先keep得住?
 
 
 
男嘅就叫做アレン,佢仲誇張!全身上下整過200次以上!!!!
好難接受,我唔知一個人點樣整形整200次。
其實佢以前個樣都幾正常丫...
同埋佢係一個超級有錢人,Twitter到成日up自己揸跑車用名牌袋住大屋嘅相次餘,佢仲上節目話過,自己每月食飯錢40萬円,補養品20萬円,美容費用100萬円,但佢得20出頭。所以D錢點黎,就自己用奶力幻想下。