【日本奇異節日-裸祭】

有關於日本奇怪文化,之前就講過「女體盛」,今次就一於講下「裸祭」(はだか祭)啦!一聽到「裸祭」,男人們唔好咁快開心住,唔好以為有個裸字就有裸體睇先得嫁,邊有咁open呀,你估外國咩!咁其實佢係咩呢?而家就話你知啦!
 
 
地方:裸祭其實喺日本各地都會有,但有個地方就因為裸祭而出名嘅,果到就係岡山縣嘅西大寺市(佢係一個小鎮)。
 
參加者:好啦對唔住,裸祭其實係得男人參加,而且係著住日本傳統嘅兜檔布,並非全裸嘅,所以係無野昅嫁!
 

日期:喺每年2月嘅第3個星期,就係裸祭啦!而星期六晚上就係成個祭典嘅高潮,因為喺呢一日,就會有近萬名男子參加裸祭,進行搶「寶木」嘅儀式嫁啦!而搶「寶木」基本上就等於裸祭嘅唯一重點。

 
咁到底咩係「寶木」呢?「寶木」係由6寸長、直徑3寸的杉木挖成。
而佢令當地人痴迷嘅原因要帝番去千幾年前:傳聞當時西大寺觀音院(西大寺市嘅千年古剎)岩岩建成,有位高僧將一種叫做「修正會」嘅儀式傳入當地。喺呢個儀式上,僧侶們將廟裡嘅寶物用「牛玉紙」包好,放喺千手觀音像背後,用黎供奉佢14日,祈求國家安定,五穀豐收,人民富足。
 
當儀式結束後,果D包過寶物嘅「牛玉紙」就會送比年長信徒。而得到「牛玉紙」嘅家庭一年內又真係好靈咁豐衣足食,於是每年呢個時候,都會有好多信徒來搶「牛玉紙」,但因為紙太易碎,所以喺500年前嘅室町時代就將牛玉紙改成杉木造的寶木,「搶寶木」呢個風俗就係咁樣形成嫁啦!寶木只有兩塊,由寺院拋下,然後讓男信徒自由爭搶。
 
喺而家嘅裸祭,進行搶寶木儀式之前,會先有少年裸體節。即係由當地中小學生模仿成人,只穿著兜襠布,走進寺院接受冷水洗禮。嘩係小鮮肉,唔錯唔錯!
 
當男人們著完兜襠布後,就會嗌住口號一齊出發。喺儀式中,如果想自私搶到寶木係無可能嘅,一般都要結成團隊一齊行動。所以,佢地都會各自結成一隊,浩浩蕩蕩咁出發。
 
搶寶木會喺西大寺觀音院內進行。入寺院嘅人要先喺冰冷的淨身池中洗清潔自己,但唔知係咪太high,明明係凍到刺骨嘅冷水,D男人都show出一副好舒服嘅樣。原來,佢地行緊嘅時候一直緊緊咁摟著大家,不停嗌口號又揮哂手咁,所以一早就一身汗,完全唔會凍呀! 
 
終於到真正搶寶木啦!一到午夜,所有燈就會一齊熄滅,傳說中果兩塊寶木就會從二樓被拋下,等左好耐嘅人群就即刻癲_左咁,你推我我推你,甚至騎住人地黎搶。 而當寶木比人搶到後,人群就會慢慢圍成幾個圈,逐步移動,走出寺院。搶寶木嘅儀式就咁結束。 
 
最後,搶到寶木嘅團隊就要揀出3個人,為佢地加冕「福男」嘅稱號。
 
唔好以為呢個裸祭只係當地一部份人嘅事啊,其實每次裸祭都會有幾百個警察同消防隊員進駐西大寺市,警車和救護車會喺寺院旁隨時待命,以防有咩意外。 所以其實個個都好緊張嫁!
 
驚你太蠢睇完唔明,我比段片你再了解下啦!
 
點呢知多左樣日本嘅傳統文化,有無更加愛日本定係覺得佢好難理解呢?

點都好,多謝你睇哂喎哈哈!