日本十大新婚絕世好男人!

耐唔耐就會聽到日本娛樂圈傳出不倫關係之類嘅醜聞~
最近日本就搞咗個投票,要選出「絕對唔會偷食!新婚絕世好男人」!
 
第1位 DAIGO (妻︰北川景子)
DAIGO同景子呢一對完美組合,俊男美女,DAIGO仲作曲「KSK」送俾景子,真係浪漫到爆!所以,DAIGO當選第1位,絕對係實至名歸!!!
 
第2位 田中裕二 (妻︰山口もえ)
太太本身係育有2個小朋友,但係田中都唔介意,仲好重視2個小朋友,同太太第一次拍拖時,就係同太太同埋2個小朋友一齊去餐廳食飯。之後,拍拖2年半,就同太太拉埋天窗。田中完全表現出愛屋及烏係咩一回事,的確係真‧絕世好男人!
 
第3位 福山雅治 (妻︰吹石一惠)
福山喺十幾年前就已經鍾意太太,一直喺太太身邊做朋友仔,之後同太太拍拖4年先結婚。愛情長跑,唔係人人都做到㗎!
 
第4位 國分太一 (妻︰圈外人)
雖然唔太知國分同太太嘅戀愛故事,但係J家藝人要結婚係好難嘅事。而且,原本J家就流傳「一團不二婚」,指團中只允許一人結婚,而山口達也已經結咗婚,理應國分無得結婚。但係,最後都俾國分爭取到!!!
 
第5位 妻夫木聰 (妻︰マイコ)
妻夫木聰喺圈內出名係暖男!2015年初就承認同Maiko拍拖,之後就宣佈結婚,原來已經同Maiko拍咗拖4年!婚後,仲話希望同太太一齊努力工作,組織幸福家庭!
 
第6位 上地雄輔 (妻︰圈外人)
上地同相識20年嘅同學閃婚!仲要揀喺「屬於2人嘅紀念日」公佈婚訊,大家都俾佢雷死!!劇情完係喺偶像劇,雖然上地覺得自己唔係偶像派~不過,婚後會一步一步繼續努力演藝事業。
 
第7位 山本耕史 (妻︰堀北真希)
單戀堀北6年,寫40封情信畀堀北,但係都得唔到任何回應,正常人都會放棄呢段感情。但係,山本無放棄到,最後感動到堀北,好快就拍拖、結婚,仲有埋BB!!!
 
第8位 福田充德 (妻︰圈外人)
福田一向被認定係好好先生,雖然唔係靚仔,唔係男神,但係愛錫太太一事就出晒名!!!
 
第9位 山崎弘也 (妻︰圈外人)
雖然成日被取笑有個「屁屁下巴」,但係就娶到個拍拖9年嘅靚女!聽講係朋友介紹認識,拍拖9年左右,喺太太生日8月14日當日登記結婚,認真浪漫!他仲好開心表示會努力建立一個幸福快樂嘅家庭!
 
第10位 戶次重幸 (妻︰市川由衣)
雖然戶次已經41歲,市川由衣就29歲,年齡相差12年,但係二人拍拖一年,就決定結婚!兩人因拍劇而相識,互相有好感,以結婚為大前題拍拖。婚後,二人決定要珍惜每日發生嘅唔同大小幸福,希望能夠構築溫暖嘅家庭。
 
唔知大家最鍾意邊一對夫婦呢?
坦白講,我幾鍾意山本同堀北呢一對!雖然山本以前喺個花花公子,但係睇得出佢對堀北係真心!為見堀北一面,而跑去搭新幹線碰下運氣!!
希望堀北平安出產,生個肥肥白白嘅BB啦!