日本人推介搭車APP:NAVITIME

日本人推介搭車APP:NAVITIME

日本人推介搭車APP:NAVITIME
【日本人推介搭車APP:NAVITIME】
日本鐵路路線圖好多人都會覺得好複雜,相信唔少人去日本旅行手機都一定裝住《乗換案内》呢個搭車APP。
但係上次小編去東京住airbnb嘅時候,就遇到一個好啱傾嘅日本人。
傾計嗰陣佢就問我喺日本識唔識搭車,仲推介咗一個搭車APP俾我:NAVITIME  (ios版本 / Android版本)
 
之後我喺日本嗰幾日就用咗呢個APP搭車,覺得呢個APP都有唔少優點同大家分享下:
1. 介面設計
日本人推介搭車APP:NAVITIME
(左面係《乗換案内》,右邊係NAVITIME)
相對於《乗換案内》,雖然兩者個介面都係大同小異。但小編就覺得NAVITIME介面比較簡潔同有心思(或者係我自己貪新鮮想用新嘢啦日本人推介搭車APP:NAVITIME,下面會再講)一入到去介面同樣可以打出發同終點車站名,然後搜尋唔同嘅乘車路線。
 
2. 資料顯示方式
日本人推介搭車APP:NAVITIME
同《乗換案内》一樣,NAVITIME都會提供唔同路線嘅搭車方法,但佢顯示邊種最平最快嘅方式就相對比較清楚。每條路線右邊都會有唔同顏色既 icon代表唔同意思,例子如下:
早=時間最快
安=最平
樂=轉車次數較少
 
3.下班車時間係..?
日本人推介搭車APP:NAVITIME
大家可能都試過,搵完幾點有車,但係自己拖住喼又行得慢趕唔切上車,搞到miss咗,係NAVITIME只要撳「次の3本」就可以搵埋下三班車嘅時間
日本人推介搭車APP:NAVITIME
 
 
咁就唔駛再搜尋多次,真係好方便,起碼知道下架車幾點到,趕唔切呢一班可以就時間慢慢行。
 
4.路線圖選擇
日本人推介搭車APP:NAVITIME
唔知大家有冇試過,想去一個地方但係唔識打個隻日文字,之後要上網搜尋完再copy落APP度,係NAVITIME最下方就有個「路線圖」,只要撳一撳個車站就可以SET做出發或者終點站,咁樣唔識打字或者唔想打字都一樣好易set到路線。
 
日本人推介搭車APP:NAVITIME
左下角個icon仲可以轉換地方。(不過轉地方之前要先下載路線圖,建議係有WIFI嘅情況下Download定。)

 
5.搭的士又幾錢?
日本人推介搭車APP:NAVITIME
 
呢個APP仲有一個唔知等唔等洗嘅功能,就係當你搵完鐵路乘車方法,假如唔啱心水,仲可以睇埋搭的士幾錢,佢會俾個預期價錢你
日本人推介搭車APP:NAVITIME
當然準唔準我就冇試過(那有錢你老X.JPG),不過如果幾個人去旅行,又唔想迫地鐵,作個參考都唔錯。
 
6. Tablet版本
NAVITIME仲有Tablet版本,小編見朋友用ipad mini,個介面係有特別設計過for tablet,睇得清楚啲,去旅行會帶tablet嘅不妨下載埋。
日本人推介搭車APP:NAVITIME
 
當然唔少人plan行程都係用返desktop機,NAVITIME佢地都有網頁版,俾埋大家做參考: