日本五個古靈精怪景點!!!

去旅行除左要去一D必去,經典嘅景點之外,我認為都要去一D容靈精怪嘅地方先至夠特別!千祈唔好以為佢地唔係著名旅遊景點就無野好睇好無聊呀,分分鐘佢地仲有趣呀!而家就介紹5個鮮為人知嘅奇特景點比你地啦!
 
1.「別府の地獄温泉」大分縣
日本人成日都會喺經歷過D痛苦或者辛苦嘅事之後都會話「我見到地獄啦」咁樣。但係喺別府温泉呢到,你唔洗經歷D咩都可以直接話「我見到地獄啦」!因為呢到有個98度嘅熱水血池地獄喺你面前!因為佢嘅血紅色,所以佢變左個著名嘅觀光地。
■ 基本資料
・名稱: 別府地獄めぐり
・前往方法: 在亀川駅乘搭往鉄輪方向嘅巴士→血の池地獄前落車
・營業時間: 08:00~17:00
・費用: 大人2100円 高校生1350円 中學生1000円 小學生900円
 
2.「悪魔がいそうなゆがんだ家」静岡縣浜松市
呢排建築物,唔洗我多講都知點解佢係「好似有悪魔嘅屋」。呢到並唔係咩主題公園,咩萬聖節嘅野,而係真係喺浜松可以租住嘅公寓黎。去影張相都好得意!
■ 基本資料
・名稱:サマンサ・マーサ
 
3.「本棚みたいなカレー売り場」埼玉縣さいたま市
書架有咩好睇?呀對唔住,呢個唔係書架,果D唔係書,而係咖喱黎嫁!即係100円店成日見到果種盒裝咖喱!呢個成個書架咁嘅咖喱賣場位於埼玉県嘅大丸浦和Parco店内,佢個名係「咖喱書架」,商品有成230種類以上,全國唔同種類咖喱都有咁濟,於是就用左個比較易睇嘅書架形式啦。
■ 基本資料
・名稱:北野エース 大丸浦和パルコ店
・前往方法:由JR浦和駅歩行2分
・營業時間: 10:00 ~ 21:00 
 
4.「ズラリと並ぶ昭和な自販機」千葉県香取市
全部都係昭和嘅自動販賣機,呢張係以前嘅相...?唔係呀!係而家有嫁!佢喺千葉県香取市嘅24丸昇入面,有野飲,咖喱,多士三文治,拉麵,烏冬,紅米飯等等都可以喺自動販賣機買到!而家仲有炸雞便當,豬肉丼嘅自動販賣機添呀!超勁!
■ 基本資料
・名稱:24丸昇
・前往方法:由小見川駅歩行約10分
・營業時間: 6:30~24:00
 
5.「階段にビッシリ並ぶひな人形」茨城県大子町
呢到係茨城県大子町,每年3月3日女兒節都會見到呢個咁壯觀嘅畫面,就係喺一百級樓梯兩旁放哂「ひな人形」。呢D全部都係由居民贈送嘅,有成差唔多1000個嫁!如果去日本果時撞正女兒節果個星期,就不妨去行下啦!
 
■ 基本資料
・名稱:百段階段でひな祭り
・前往方法:由常陸大子駅歩行3分
・開催日: 每年三月第1週