【日本之最】最驚嚇拉麵店 - ラーメン彦龍

去日本,當然就係為咗美食而去,但如果咁啱撞正間係以難食聞名,難食到不得之了嘅餐廳,你又會點呢?
東京就有一間拉麵店難食到上電視,於「ダウンタウンのごっつええ感じ」等節目中被喻為最難食拉麵店,拉麵一上枱,望住食材嘅配搭,真係覺得老闆好有創意!
 
老闆話佢唔係好擅長包餃子,都唔係吖,都仲睇得出係隻餃子啊。
 
嘩!咩事!老闆你係咪唔記得睇火先搞成咁咋!
定呢種係特殊嘅烹調方法??
 
呢碗真係經典中嘅經典,集齊哂日本人最唔夠膽食嘅雞腳啊、內臟啊咁,仲唔係有心挑戰日本人嘅極限!
 
啲咁特別嘅料理就係出自呢位原憲彦先生之手。
 
因為賣相出眾,經電視介紹之後人氣急升,有好多人都慕名去一嚐呢碗咁獨特嘅拉麵。不過食評都唔係一面倒嘅,有食客表示拉麵其實都唔係真係難食得咁緊要,其他拉麵嘅賣相都算中規中矩咁話喎。
 
好似呢碗拉麵咁,除咗中間嗰塊不明免治肉之外,湯底顏色都幾似模似樣吖~
 
不過有個唔好嘅消息要話俾大家知,就係即使大家而家即刻飛去日本,都食唔到呢啲咁經典嘅拉麵啦,因為ラーメン彦龍老闆因為健康問題於2010年初結束咗呢間營運咗20年嘅舖頭,老闆更於去年過咗身,所以呢碗舉世無雙嘅極級拉麵就只好留返喺各位食客心中啦~
 
大家又有冇喺日本食過啲咩經典「美食」呢?
 
======================
 
ラーメン屋「彦龍」
舊址:東京都文京区千駄木3-42-8