【日本之最】日本最古老湯宿建築-千與千尋油屋

 
 
有冇覺得好熟口熟面呢?無錯,呢度勁似千與千尋成日出現嗰條紅色橋同油屋啊!
 
 
因為千與千尋呢套戲入面嘅主要場景都係參照呢度製作,所以嚟到呢到簡直好似入咗千尋個世界,大力推介戲迷一定要嚟住返晚~
 
呢個位於群馬縣嘅「積善館」係一間已經有320年經史嘅溫泉旅館,可以話係全日本最古老湯宿建築,入面分咗做佳松亨、山莊同本館3個部份,當中嘅本館歷史最悠久,房間內冇衛浴設備,另外兩個館嘅設施就比較新淨。
 
本館
 
佳松亭
 
山莊
 
去呢度有3個方法,第一係搭JR喺中之條站再轉巴士,大概需要2個半鐘倒;第二係喺東京站坐直達巴士「四萬溫泉號」,係方便,不過就需時成5個鐘先到;第三係自己揸車去,通過關越自動車道到達涉川伊香保IC後沿國道353號線前往四萬溫泉,大概需要2個半鐘。
 
落咗車之後就會見到呢間屋仔,係咪充滿日本昔日氣氛呢!
 
到本館啦,可以入去Check-in
 
嘩你睇,連Check-in嘅櫃枱都好有味道!
 
本館同山莊由呢條隧道相連,千與千尋戲入面千尋同爸爸媽媽通往異世界嗰條隧道咪係參照呢度起㗎囉~
 
除咗歷史悠久係一大賣點,呢度嘅四萬溫泉都非常出名,傳聞呢種泉水唔淨止醫百病,可以醫到四萬種病咁多所以叫四萬溫泉。呢度總共有4個溫泉,本館2個,山莊2個,不過只要你入住任何一間旅館,都可以隨便享受哂呢4個溫泉。
 
元祿之湯就喺Check-in counter附近,行過呢度門就會見到㗎啦!
 
呢個元元禄之湯喺開館嘅時候就已經喺到,可以話係陪伴住旅館成長。工作人員話一早嚟浸係最正㗎!
 
喺屋湯出面,仲有呢個飲泉,味道有少少鹹鹹哋,話對身體好有益㗎喎~
 
餐飲方面,嚟到咁靚咁傳統嘅環境又點不以唔享受吓懷石料理!本館、山莊同佳松亭嘅餐飲都有啲唔同,本館以簡單嘅便當為主,山莊同佳松亭就可以食到懷石料理,仲可以選擇喺房食,冇其他外人喺度真係依得特別自在~
 
由於旅館會用最當造嘅食材入饌,所以菜式周不時都會變動,如果有啲咩係唔食嘅可以提早同佢地講。
 
小朋友唔食得魚生刺身,所以佢地亦有得別為小朋友而設嘅餐盒,都做得好精緻。
 
除咗懷石料理,下午如果想簡單食啲野,可以去本館,喺呢部機買完想食嘅野就可以將張飲食券交畀工作人員。
 
只係點咗個烏冬餐都有成6個前菜,仲樣樣都好好味!
 
本口館有用餐區,環境好乾淨舒服。
 
鐘意歷史的話記得唔好錯過旅館開辦嘅歷史tour,工作人員會介紹四萬溫泉同旅館嘅歷史,有時介會講吓呢度點解會成為咗千與千尋呢套戲嘅藍本添!唔好以為歷史tour就好悶,個tour勁受日本小朋友歡迎㗎!
 
 
 
旅館有幾間房係唔住人嘅,特登留嚟畀客人參觀,等唔入住嘅旅客都可以感受懷裡氣氛。
 
================
積善館
地址:群馬県吾妻郡中之条町四万温泉
電話:0279-64-2101
營業時間:Check-in 14:00~18:00、Check-out 10:00
前往方法:於東京站乘坐直達巴士「四萬溫泉號」約需5小時
於中之條站轉乘巴士,約需3小時