日本最普遍嘅家庭料理可以話係雞蛋醬油拌飯,勝在成本平又容易整,想幾時食就幾時食,不過對於呢道咁簡單嘅料理,日本人都有佢地嘅執著,對於雞蛋嘅質素非常講究,因此亦衍生出越來越高級嘅雞蛋。

一隻普通嘅雞蛋日本超市可以只係賣緊¥15~¥20,而全日本最貴嘅雞蛋嘅售價竟然係佢嘅50倍!到底佢有咩咁矜貴 ?
 
卵「輝」(750/個)
 
呢隻就係全日本最貴嘅雞蛋「卵・輝」,一隻要成¥750,呢個價錢真係可以去食一碗拉麵!
 
佢咁貴因為雞隻係由Akua Farm自行培養,全日本只有呢度揾到,雞隻嘅飼養方法好講究,要俾足3萬幾平方呎地方佢地活動,真係可能瞓教嘅地方都大過你同我間屋啊!
 
 
而飼料方面,主要成分有魚粉、海藻、漢方藥等25種材料,營養爆燈,所以話佢地生出嚟嘅蛋又點會唔高質吖!
 
仲未講完,佢地連飲用水都指定係要荒川支流橫瀨川或者定峰川嘅水,話咁樣佢地生出嚟嘅蛋先唔伯有腥味喎。
 
咁到底佢嘅味道係點㗎呢?跟據官方嘅說法,雞蛋氣味芳醇,口感細滑無比,蛋黃仲結實到用筷子夾起都唔會爛添。
 

 
咁新鮮嘅蛋真係最適合用嚟整雞蛋醬油拌飯,,簡簡單單就可以食到雞蛋最根本嘅美味。係就係貴咗啲,不過有機會都真係想試吓呢隻全日本最貴嘅雞蛋有幾好味!
 
==================
アクアファーム
官網:www.akuafarm.com