既生瑜、何生亮!動漫史上最熱血宿敵關係排行榜

一套熱血嘅少年漫畫,當然唔少得非常熱血嘅宿敵關係,更加Perfect池嘅係亦敵亦友嘅關係!今次日本網站Goo就調查咗500個20~30歲嘅男女讀者,叫佢哋投票選出佢哋覺得最令人感到熱血嘅動漫史上宿敵好對手!一齊睇下你心目中嗰對有冇上榜啦!
 
10)工藤新一 VS 服部平次 《名偵探柯南》
 
9)緋村劍心 VS 齊藤一 《浪客劍心》
 
8)拳四郎 VS 拉歐 《北斗之拳》
 
7)鳴人 VS 佐助 《火影忍者》
 
6)夜神月 VS L 《DEATH NOTE》
 
5)工藤新一 VS 怪盜基德 《名偵探柯南》
 
4)阿寶·尼爾 VS 馬沙·亞斯洛布 《機動戰士高達》
 
3)櫻木花道 VS 流川楓 《SLAM DUNK》
 
2)孫悟空 VS 比達 《龍珠》
 
1)魯邦三世 VS 錢形警部 《魯邦三世》
 
榮登頭三位嘅都係唔單止係普通嘅好敵手,喺重要關頭會拋下身份彼此合作擊退敵人嘅三對組合!
 
第三位相信唔少人心目中都曾被佢哋嘅成長感動過嘅櫻木花道 VS 流川楓!由情敵變隊友,兩位無論打交定打籃球都睇到觀眾非常熱血沸騰呢!互相提攜互相成長,呢段關係真係好令人憧憬呀!
 
第二位嘅孫悟空同比達,細細個嗰陣都估唔到比達有朝一日會同悟空聯手作戰!一句:「加油吧格古洛,你才是世界第一!」嗚哇!!啲人話細個鍾意睇悟空、大個鍾意睇比達,係真㗎。
 
至於第一位就係不停地你追我趕嘅魯邦三世同錢形警部。唔少日本網民都話好欣賞兩位不時協力解決事件,超越警匪關係,絕對屬於「宿敵」嘅呢種關係!
 
其實小編心目中覺得「JoJo奇妙冒險物語」入面JoJo家族同Dio嘅宿敵關係都好刺激熱血,不過此作就排14。如果你都有心目中嘅好宿敵疑似無上榜,不如睇下11位以下嘅結果睇下有無啦!
 
資料來源:Goo.jp