【旅行宵夜一流】日本最搶手杯麵!

日本人氣杯麵排行榜!!!
 
香港人去旅行,最鍾意就係夜晚買杯麵番酒店做宵夜。
咁其實咩杯麵係當地最好賣,最受歡迎呢?
答案就係以下呢幾款啦!
 
6.明星 太陽のトマト麺 トマトラーメン 
日本人評語:「湯底酸酸甜甜咁,又有適量芝士,超好食。麵身係偏幼細,非油炸,唔知點解同湯底好夾。」
 
我發覺日本都幾多蕃茄杯麵。
 
5.日清 カップヌードル 
日本人評語:「呢款杯麵無容置疑個個都一定食過嘅。雖然海鮮味同咖喱味都好好食,但我最鍾意嘅係醬油味,味道唔會過濃 ,唔油膩易入口。配料當中嘅肉都好好食。湯底比較似雞肉味拉麵。杯麵真係又平又快又正,以後都多多指教啦!」
日清好多人都食過,佢嘅地位就等同於香港嘅合味道一樣。講起杯麵就會即刻諗起!
 
4.明星 チャルメラ 塩
日本人評語:「配料有生菜,栗米,魚糕等,栗米有好香嘅味,生菜爽口。鹽味湯底唔會太濃,麵身形狀容易入口。包裝上寫住湯底材料有好多,好似雞,豬,蒜,洋蔥等等,mix埋嘅味道好好。食嘅時候唔覺得辣,但食完個口就會有少少辣嘅感覺,杯底都會有D黑色野,應該係胡椒黎。 總括而言,份量足夠又好食。」
 
呢個好似係有個公仔樣嘅魚片喺入面。
 
3.日清 カップヌードル チリトマトヌードル
日本人評語:
・湯:超辣之中都食到好香嘅蕃茄酸味。明明個味好濃,但又唔會太咸唔會好「結tart tart」,好易入口。
・麵:不經油炸嘅麵,但異常地好食。
・配料:栗米非常香甜,蕃茄又大又好食。
・總括而言:最近吃過異國風味最好食嘅杯麵!如果一定要比建議嘅話,就係蕃茄味再濃D會更好。有足夠嘅芝士,食完會大滿足嘅一個麵!
 
嘩我剩係覺得呢位日本人好似一個食家!點解可以形容得咁仔細?我剩係識講好食同唔好食。。。
 
2.エースコック 飲み干す一杯 担々麺
日本人評語:「喺辛辣系嘅杯都入面,最鍾意就係呢一款啦。雖然麵身係油炸,但湯汁非常濃味,好好食。唔會太辣,而且落左好多麻油,好有風味好香。食完好有滿足感!」
呢個擔擔麵好似好辣咁款喎!
 
1.ニュータッチ 凄麺 京都背脂醤油味
日本人評語:「我係因為佢嘅評價高所以買黎試嘅,結果比我想像中好食!背脂本身比較重口味,但當佢配合埋比教清淡嘅湯,就出現左唔太油膩但又夠味嘅效果啦!總之食嘅時候食得出背脂係主要嘅風味,唔會被搶左味,非常好食!」
個人最有興趣就係呢個杯麵啦!等我下次去日本買黎試下先!

回覆