新鮮滾熱辣!新開業東京現代感x和風旅館!

岩岩喺今個7月20號,有間叫做「星のや東京」嘅日本旅館開左啦!係呀唔係酒店而係旅館,兩者有乜分別?酒店咪即係酒店囉,而日本旅館最大嘅特徵就係「要除鞋」。喺玄關到除鞋後,一邊跟住職員嘅指示一邊光住腳遊走,既可以體驗日本文化,又有一種酒店比唔到嘅感覺!
 
日式旅館
 
現代x傳統
大家唔好以為旅館就會好舊,但其實雖然佢係旅館,但因為係東京入面嘅旅館,所以現代感係必需嘅。睇下個大堂,就已經有一種和式設計但又不失時尚嘅感覺啦!
 
「星のや東京」有個特別之處,就係喺每層都會有專設嘅「茶室」。係比客人一邊飲茶,一邊睇書,悠閒咁享受下寧靜嘅環境同日本文化。
 
咁當然唔止茶,仲有咖啡、清酒、お菓子等等,都可以比大家享用。
 
和室客房
客房以日本傳統建築樣式mix現代感為主題,連個名都好和風嫁!三種客房分別叫「菊」、「百合」、「櫻」。
 
「菊」係大客房,可以放得落三張單人tatami,房內有餐枱,茶几,大梳化,浴室仲有得浸浴。*1間房(2-3人)1晚¥135,000(已包税和服務費)
 
「百合」/「櫻」就係傳統嘅和室,果個用竹做嘅衣櫃就係和風嘅特徵。而「櫻」就會比較接近「茶室」。*1間房(2人)1晚¥108,000(已包税和服務費)
 
熱鬧周邊
「星のや東京」有豐富嘅周邊設施,因為佢連住大手町嘅Financial City,所以有好多餐廳選擇。中華料理、意大利餐廳、Cafe,應有盡有。而附近嘅景點就有皇居、仲通り、神田明神。
 
名稱:星のや東京(HOSHINOYA TOKYO)
地址:東京都千代田区大手町一丁目9番1
前往方法:東京駅「丸の内中央口」出歩行10分鐘(850m)/