[新東方不敗x小智] 動漫節Cosplayer訪問

一連五日嘅動漫節已經圓滿結束。
第一次同小智做主持去訪問唔同嘅Cosplayer,對於本身鍾意玩Cosplay嘅我嚟講,係一個好好嘅交流。
坦白講,Cosplay一個角色,唔係就咁著件衫就得!
有好多仔細位係要好留意好用心好時間去了解,重點係要有愛。
 
 
係等埋位時,小智好努力不停練習日文對白,有時有fans搵佢影相,佢都拒絕,因為「工作要緊」。
呢一點,我係想讚吓佢。睇得出佢好重視同我一齊去做呢個訪問。
好多Cosplayer都話整衫唔係Cosplay最困難嘅事,而係要演釋好個角色。
 
 
 
希望大家睇段片,唔單止係對話內容,而係Cosplayer嘅服裝、髮型等等。
因為佢地真係花咗好多時間心機去鑽研。
同時,都希望大家支持一吓Cosplay!
因為要一直有恆心去做一件事並唔易㗎!
 
 
希望小智(JASON)繼續努力!總有一日,大家會識嗌你做JASON而唔係小智!
你一定得㗎!加油!
 

回覆