【新品発売】日本4月即將發賣食品!

黎緊4月,都有唔少新食品面世!不過由於我唔喺日本,又係一個寧願用錢買野都唔食野嘅女人,所以試食嘅重任就交比黎緊會去日本嘅你地啦!唔講咁多,直接睇啦!
 
飲品篇
 
1.サントリー チューハイ こくしぼり 香熟パイン
 
呢隻係有20%菠蘿果汁嘅酒黎,季節限定嫁!有濃厚果香味,同酒配搭會有一種意想不到嘅新口味!
 
發賣日:2016/04/26
參考價:170円
 
2.サントリー チューハイ ほろよい マンゴーサワー
 
日本人真係好鍾意飲酒,新出嘅商品都有好幾款酒。呢隻同上面果隻基本上一樣,不過呢個係芒果味。
 
發賣日:2016/04/19
參考價:141円
 
3.森永 アロエステヨーグルト
 
呢隻專攻女性市場嘅乳酪同乳酪飲品,含有美容食品成份,少糖,清爽嘅味道,零脂肪添嫁!女士們準備入手啦!
 
發賣日:2016/04/12
參考價:139円/148円
 
4.サントリー C.C.スポーツ
 
呢個係炭酸運動飲品,係經過對運動愛好者嘅徹底調查而生產。同CC lemon有D似,但比CC lemon感覺更爽快易入口,適合運動果時飲!
 
發賣日:2016/04/12
參考價:140円
 
雪糕篇
 
Haagen-Dazs ミニカップ ハニー&ミルク ヨーグルト仕立て
 
Haagen-Dazs又出新野啦!今次係蜂蜜牛奶味乳酪雪糕,聽到都想食呀!聽講呢個味道係為迎接春夏來臨而設嘅,等唔切啦!
 
發賣日:2016/04/19
參考價:272円
 
零食篇
 
1.ブルボン カラダみらい 豆乳仕立てのウエハース
 
呢3隻都係健康威化/克力架/餅乾,一包只係80卡路里,仲對高血壓人士有幫助嫁!我諗呢個買番屋企比屋企人都幾好呀,好味又健康,想減肥又想食零食嘅女士們就岩哂啦!
 
發賣日:2016/04/19
參考價:250円
 
2.不二家 カントリーマアムベイクショップ 熟成ケーキクッキー
 
呢隻係蛋糕曲奇,雖然唔知佢點樣又蛋糕又曲奇,但反正就有濃濃巧克力味。然後佢話好似蛋糕咁軟棉棉口感,又硬又軟,有D睇唔透。
 
發賣日:2016/04/05
參考價:303円
 
3.ロッテ スイーツデイズ 乳酸菌ショコラ 
 
乳酸菌巧克力!呢個據說係唔需要放入雪櫃都唔易溶嘅功克力黎!
 
發賣日:2016/04/05
 
4.不二家 カントリーマアムベイクショップ 北のチーズタルト
 
嘩係芝士餡餅呀!講真,睇個包裝都好想食,如果我喺日本會即買!
 
發賣日:2016/04/05
參考價:303円
 
其他篇
 
1.キユーピー 素材が恋した 怪味ソース
 
哈哈係咪扮哈利波特D怪味糖?點解會諗到出怪味醬汁嫁?哦原來怪係指山椒、豆板醬、生姜等等嘅混合,不過如果好難食咪成碟菜哂左囉...但我相信點都有人買黎試嘅!
 
發賣日:2016/04/05
參考價:198円
 
2.Pasco 国産小麦のクラウンメロンパン
 
嘩係蜜瓜包呀!用左靜岡縣生產嘅蜜瓜汁整成嫁!唔知好唔好食呢!
 
發賣日:2016/04/01
 
其實仲有其他嫁,不過講住咁多先啦!想知我下次先繼續!