【新到核爆】2016年東京新開業七間酒店!

我都知而家興窮遊,興住airbnb/民宿而唔住酒店。(呀唔係因為hit,係純粹因為_ _ _,哪有錢)但有時候我覺得去旅行都要適當地享受下嘅。講開享受嘅話,都離唔開食同住,今次就想介紹下喺日本東京2016年新開嘅酒店啦!大家不妨可以試下,因為佢地都各有特色,總有一間吸引到你嘅!
 
1.Unizo銀座7丁目
 
首先介紹嘅係位於銀座新鮮滾熱辣嘅呢一間,佢喺有好多名店雲集嘅銀座6-8丁目中間,所以酒店附近都非常熱鬧,會比你一種「好銀座」嘅感覺,即係點?即係成熟得黎又時尚嘅味道囉!佢有免費Wi-Fi,唔洗擔心上網問題。
 
開業日期:2016年6月20日
費用:最低價房間約$600/一晚
地址:東京都中央区銀座7丁目10番9号
前往方法:東京メトロ銀座線・日比谷線・丸の内線「銀座」駅A3出口歩行5分
 
2.東急ステイ銀座(東急Stay銀座)
 
呢間酒店最大嘅優點就係佢嘅地理位置。由於位於東京嘅心臓地帶,所以無論係去銀座中心地帶定係築地市場,都係近到行到過去,所以非常方便。即使係出去其他旅遊地區,搭東京Metro去都非常近同方便。(如去東京:3分鐘/由銀座站乘東京メトロ丸ノ内線,去新宿:16分鐘/由銀座站乘東京メトロ丸ノ内線,去淺草:11分鐘/由東銀座站乘都営浅草線快速等等)
 
開業日期:2016年3月7日
費用:房間約由$800起/一晚
地址:東京都中央区銀座4-10-5
前往方法:東京Metro日比谷線・都営地下鉄浅草線「東銀座駅」A2出口歩行1分/東京Metro丸の内・銀座線「銀座駅」A7出口歩行3分
 
3.名鉄イン浜松町(名鐵Inn濱松町)
 
名鉄イン浜松町同樣擁有非常方便嘅地理位置,佢距離JR浜松町駅只係4分鐘路程。而且浜松町駅一上車就係山手線,無需轉車就可以玩盡山手線沿途各個旅遊地區!而且佢去一啲可以話必去嘅景點都頗近,好似東京鐵塔(步行14分鐘,google map幫到你)/東京Disneyland(JR約15分)咁,而去羽田機場都超快(由浜松町駅搭東京monorail[快速]只需13分鐘)!
 
開業日期:2016年3月25日
費用:最低價房間約$800/一晚
地址:東京都港区浜松町一丁目19-14
前往方法:JR山手線浜松町駅北口出,歩行約4分/都営地下鉄 大江戸線 大門駅A2番出口歩行約2分
 
4.アパホテル〈六本木駅前〉( APA 六本木站前酒店)
 
佢位於六本木駅隔離,交通方便,行去六本木hills只需5分鐘,夜晚番酒店附近就有得睇超靚夜景。而且六本木去其他中心地帶都好快,好似渋谷、新宿、東京等都係大約10-15分鐘地鐵車程就到,唔會浪費好多時間喺車程上面。
 
開業日期:2015年12月21日
費用:最低價房間約$550/一晚
地址:東京都港区六本木6-7-8
前往方法:東京メトロ日比谷線・都営地下鉄大江戸線「六本木駅」歩行1分
 
5.京急EX イン秋葉原(京急EX Inn秋葉原)
 
秋葉原都係唔少人揀做住宿嘅地區,特別係鍾意動漫嘅朋友就一定唔可以錯過,你可以日行夜行都得!呢間酒店距離秋葉原電氣街都只係5分鐘路程,一出酒店行一陣就到,鍾意熱鬧嘅岩哂!
 
開業日期:2016年3月24日
地址:東京都台東区秋葉原2-1
前往方法:秋葉原駅・末広町駅 都係歩行約5分
 
6.アパホテル〈京成上野駅前〉(京成站前 APA 酒店)
 
同樣都係APA酒店,不過呢間位於京成上野駅隔離,適合在成田機場上機落機嘅朋友,喺成田機場搭一程約45分鐘嘅「京成特急」/「Skyliner」 就到,不用轉車就到酒店。如果要去上野恩賜公園/上野動物園都可以步行過去。
 
開業日期:2016年3月1日
費用:最低價房間約$450/一晚
地址:東京都台東区上野2丁目14-26
前往方法:京成本線「京成上野駅」(池之端口)歩行1分/JR各線・新幹線「上野駅」(不忍口)歩行3分
 
7.ホテルリブマックス浅草スカイフロント(淺草天空步道 LiVEMAX 酒店)
 
呢間位於「押上」嘅酒店適合鍾意Skytree嘅朋友,點解咁講?因為佢同Skytree嘅距離只係步行5分鐘左右就會到,同喺隔離無乜分別!有某D房嘅景觀仲可以望到Skytree添!正呀!而去淺草都只係3分鐘車程就到,如果你去硬呢兩個地方,呢間酒店可能就岩你啦!
Skytree景觀
 
開業日期:2016年3月1日
費用:最低價房間約$
地址:東京都墨田区業平1-10-4
前往方法:半蔵門線・浅草線「押上」駅歩行約4分/東武Skytree Line「東京Skytree」駅 歩行約4分