搞個學生VISA啫,洗唔洗係領事局流馬尿呀?(下集)

上集講到我比個實Q趕我扯,叫我下晝再返黎。其實我心入面真係好唔gur,明明上網睇過,話申請簽証係上晝搞㗎嘛……點解一定要人地下晝黎> <不過係領事館個門口,實Q就係上帝,佢地唔比我行入天堂個門口,我又有咩辦法?唯有死死氣地,lunch time再鼠過出黎囉……
 
嗱,係日本領事館個網頁到cap出黎嫁,有圖有真相!
不過可能我搞個個學生簽証唔係簽証所以唔關簽証部事呢(誤,唔明嘅可以睇返上集
 
領事館下晝開1點半,我1點15分左右就到左啦。今次我醒目啦,一黎就拎住張「在留資格認定證明書」同身份証比個實Q睇,佢地認紙唔認人,馬上就叫我去另外一個門口到排隊(唔係正門)。排左一陣入到去一間大房,入面40幾個早到嘅朋友已經坐係到等緊。
 
大家一去到記得比實Q睇依張野呀!
 
上集都講過,申請VISA係要帶住一張已經填好左嘅「赴日簽証申請表」,當日我見到已經有唔少人一早已經填好左先黎領事館,不過未填/未拎紙嘅朋友都唔洗擔心!因為係個間大房入面有張長枱,上面放左依張申請表嘅中英文版,任你拎!
 
填form個陣有幾樣野要注意:
1.張form係要貼相嘅,不過冇膠水都唔怕,到時領事館既人會幫你貼相。
2.我知,你係香港人,唔係中國人丫嘛!但係日本人係唔識分中國定香港,填國籍個陣,大家要含淚填「中國香港」,些些。
3.見唔見到呀,人地要你填去到日本之後嘅地址嫁!所以你話有咩可能唔買左機票訂埋酒店先申請visa喎!
酒店個名、電話、地址都要填,大家記得帶齊資料去填啦~
4.至於工作單位方面,有工作嘅人就照填啦。如果你已經冇做野準備去日本,就填「準備留學」。
 
黎到page2,最多人唔識填嘅就係「在日保證人」啦!
好簡單,其實只要填學校個名,電話同地址就得~其他個d咩鬼生日呀,性別呀,空左佢就得!
 
留意,平時我地填form d *號咪姐係一定要填嘅,依張form係調返轉,有*就唔一定要填咁解,大家唔好咁傻豬豬搞錯啦!
 
係等待嘅期間,我已經填好晒form,接下來就係漫長嘅等待時間。每隔十分鐘左右,就會有個實Q姨姨黎帶大家去另外一到排隊申請。終於排到櫃位(係呀真係好似銀行D櫃位咁嫁),個姐姐用幾分鐘check下我d文件就搞店晒。佢地會收走你張「赴日簽証申請表」、「在留資格認定證明書」同埋你本passport(係呀依五個工作天入面你係唔可以出國嫁!),跟住比張紙仔你,叫你邊日邊日黎拎返本passort連visa。咁申請依part就叫做完成啦,大約搞咗1個鐘頭左右啦(結果緊係全公司都知道我鼠左出去啦!(哭)
 
由申請visa個日起計5個工作天,就可以拎visa啦(各位要記得下午先可以拎嘅!)去拎visa個日,我建議大家早少少1點去排隊,當日我踏3去到,又係差唔多等左1個鐘左右……其實平時等一個鐘都冇咩所謂嘅,問題係我第二朝就要飛,真係想早D返去執野囉!!!!!!
 
好在,最後都趕得切拎visa,無風無浪唔洗改機票!
 
yeah!我終於都可以出發去東京 留 學 啦!!!!!!!!!!!!
 
各位仲申請緊visa嘅朋友,東京見啦~~~~

回覆

MSKWL的圖片
你好,請問閣下幾多歲同去日本讀咩科目!?