我要做男優!入行條件大披露!

如果問你嘅Dream Job 係咩,好多人可能會答醫生呀,律師呀呢d聽都聽到厭嘅職業!但如果同樣問題係日本,你就可能會得到一個特別d嘅答案,佢就係《AV 男優》。
 
 
十個男人有九個都一定幻想過自己成為A片入面嘅主角(當然都要睇番對手質素)不過唔講可能你唔知,其實AV男優一直都嚴重缺人,大約係1萬個女優vs70個男優!以每個月出產4500部片嚟計,假設所有男優都上陣再加無休息,每日都起碼要大戰兩回合先達標!
 
可能呢個時候你已經 「__!濕濕碎啦!」 咁恭喜你,你已經擁有做男優嘅基本條件!(我講緊自信)但唔係一開始就有幸可以同女神啪啪啪㗎,AV男優都有分以下幾種類型!
 
 
頭三級係已註冊嘅男優,只係等級唔同,現役大約有70位!其餘嘅都係parttime性質!
 
 
フェラ男優:負責餵食,呀唔係,係俾女食(自己諗下點食法)
汁男優:只出精唔出樣
エキストラ男:路人甲乙丙丁,最常出現於電車系列,對女神只可遠觀而不可褻玩
 
 
而入行嘅基本要求其實好簡單:滿18歲,有身分証明同埋良好嘅健康報告 。
 
其他嘅就關乎男人嘅尊嚴啦!
 
 
一. 長度
 
據知男優基本要求係勃起之後有15公分或以上。不過日本人出名短...再加上非正式統計...咁點算?
 
唔需要擔心,而家科技進步,格仔絕對幫到你,幫你打多幾格即時變粗亦得,得左!
 
 
拍步兵片點算?咁總會有幾個出類拔萃d嘅...不過你會發現嚟嚟去去都係個幾張嘴臉囉
 
 
二. 硬度/持久度
 
拍一場AV唔只係啪啪啪咁簡單,閒閒地幾粒鐘或以上,仲要導演叫你Stop就Stop!Wait 就Wait!你自己只可以默默地玩雀備戰,隨時候命!
 
 
一個唔覺意撞到個對手好似「如花」咁索嘅,都要保持堅挺不得止,仲要扮到好Enjoy!
 
 
人在江湖,身不由己!頂硬上都要㗎啦,咪當蒙頭入閘囉
 
 
 
三. 濃度
 
為左視覺效果,健康地出精就少不免!專業嘅男優仲會係拍攝前禁慾保持最佳狀態!奇怪嘅係...面試時點測濃度...唔通要即場試射?
 
 
 
四. 次數
 
AV 行業爭分奪秒,人氣嘅男優可能一日要走幾場,每場再啪至少三次!高峰時一個月走五十四場,即係平均每日射五次...
 
 
先唔理你係咪真係射得出,但體力上嘅勞動都夠死啦...仲要成日做埋d高難度動作,真係想唱番句「男人最痛算這種~~」
 
 
 
五. 身材/顏值
 
乜男優要睇樣㗎咩?不嬲都燕環肥瘦,老嫩無拘㗎!係...不過除左男性市場,近年「女性向」AV都大行其道,人氣男優《鈴木一徹》就係當中嘅表表者啦,好多同佢合作過嘅女優都大讚佢溫柔體貼,有戀愛感覺!(咦,偶像劇嚟嘅喂
 
 
當然你想走另類路線又唔會話無market嘅。
 
 
講左咁多,如果你依然覺得Easy Job 嘅話,恭喜晒!最後一個好~~~簡單既條件就係你必須為日本藉!咁你就可以成為一個出色嘅男優啦!(破滅咗你地FF添,すみません)