成田LAST MINUTE 日式手信急購天堂

每次去旅行,都要煩惱到底第幾日買手信好/0\
有時去到商店街見到有嘢啱心水,但係又廢事拎冇買到,結果最後就搵唔返兩手抖抖返屋企……
又有時一見到就買定先,結果發現原來周街都係,早知就唔洗一早買搞到要拎足成日啦…
今日Mika要介紹成田機場第二航廈嘅一間日式雜貨店比大家~
好多你係都心見到嘅手信依到都有得賣,價錢差唔多之餘,仲有好多款係出面見唔到㗎㖭!
喺機場嘅最後血拼個陣,唔好唔記得嚟「倭物や カヤ」入貨啊!
 
 
大老遠就見到依到連浴衣都有賣!(之但係點解上面要配頂帽呢?)
 
門口?件麻麻地吸引,但係入面有好多款都唔錯!
(夏祭嘅日子愈來愈近,如果你7、8月仲會去日本,一定要買返件去睇煙花!)
 
有浴衣就一定會有木屐啦~依到有木屐又有草履,雖然木屐靚啲,但係草履真係舒服好多!!!識揀一定揀草履~
 
除咗木屐之外,又有型到爆嘅足袋~仲有時裝款,唔洗吓吓到著到成個忍者咁www
 
著鞋唔著襪,老套又核突!如果你買咗足袋,唔好唔記得買埋襪!
唔係要格硬剪穿自己對襪就搞笑啦~
 
著到靚靚唔戴返個頭飾緊係唔得啦~依到有啲比較大嘅頭飾,用嚟著浴衣個陣襯頭髮用嘅~前面兩個花花都好靚!
 
 
耳環啲款色都好特別!有和服款、木屐款、仲有壽司款㖭!用布造㗎~唔會膠膠的~
 
另外我好鐘意右邊依款達摩耳環!好得意啊!又易襯衫!正~
 
有小小包同大包包,全部都係傳統日本紋式,好多選擇!
 
另外仲有好多好多好多扇!日本人都好鐘意送扇比人做禮物~
 
跟住嚟到另一邊睇下風呂敷同手巾~一眼望去已經覺得好多都好靚,想全部帶走!
 
 
極愛歡迎手信-富士山毛巾~400yen,完全係手信之選~
 
各位留意,依條並唔係門簾,而係男士嘅……檔布!
成班男仔一齊著感覺好好玩哈哈~
 
跟住嚟到飾品部~
 
熊本最出名嘅金太君都有!!!!不過依個價錢都係睇下算啦(笑
 
我發現依個世界穌咗我之外冇咩人鐘意芥木子……明明就很可愛的說w
 
達摩們出現了!有大有細,紅黃藍綠樣樣齊~
 
紅色係整體運,綠色係健康運、金色係財運……我比較貪心少少,揀咗紅色哈哈~
 
 
依到嘅碗碗碟碟都好靚!雖然大部分都係花碌碌,不過都有啲比較清雅嘅款~
依啲易碎品最後先係機場到買就啱晒!
 
下面個排個款好有型!
 
真係估你唔到,竟然仲有文具--
細個覺得科學毛筆係世界上最偉大嘅發明,而家竟然仲有咁多隻水彩色嘅科學毛筆!不得了~
 
另外當然係少不了和柄膠紙呀,信封信紙之類啦~
 
仲有埋電話殼㖭!
 
食物方面呢,依到因為主打和風嘅關係,就冇大家最愛嘅東京笨拿拿啦~(而我其實冇食過……)
不過就有好多依啲金瓶糖同和菓子~
 
啱啱個個係鐵盒,而家依個就係紙盒~各有各好~
 
啱啱講咗咁多,款式同種類多到數唔清!一間鋪頭就可以買齊咁多手信,唔bookmark都唔得啦~~~
記得記得,留返啲錢同時間去機場啊~拜拜~