悼念紅音螢!五位最令人惋惜嘅AV女優!

人生無常,意外嘅野好難預料。近日就因為一名前AV女優嘅離世,喚起好多人對其他已離世女優嘅思憶,以下落嚟就同大家回顧下五位最令人惋惜嘅AV女優。
 
 
1)紅音螢
 
號稱「潮吹女王」嘅紅音螢剛於2016年8月15日喺屋企暴斃身亡,令一眾粉絲們相當震驚。
 
 
原名「秋月杏奈」嘅紅音螢於2004年出道,2005年1月1日正式改為現有藝名。當時業界將佢定位蘿莉風格嘅女優,更因為容易潮吹嘅體質而被封為「潮吹女王」。2005年獲得「最佳新人獎」,2008年退休後轉型成愛滋病防治大使,多次參加宣揚正確性觀念同愛滋防治活動,喺日本同台灣都相當有人氣。
 
 
事發後,佢嘅男朋友原敏史就喺Facebook公佈咗佢嘅死訊,粉絲們都紛紛表示難過同不捨。
 
 
 
2)飯島愛
 
出生於1972年嘅飯島愛,原名大久保松惠,享年36歲。92年以AV女優身份出道,之後曾參與過大大小小嘅綜藝節目,2001年更加出演電視劇《齊天大聖孫悟空》扮演蜘蛛精而為港人熟悉。
 
 
 
佢喺2000年10月仲出咗一本半自傳性嘅小說《柏拉圖式性愛》,喺日本暢銷過百萬本。看似充滿性暗示嘅書名,其實入面寫嘅係佢悲慘嘅人生,不愉快嘅成長環境,屢次嘅感情傷害同埋成為AV女優嘅經歷等等。
 
 
人氣上升,本以為係一個好開始,點知喺2008年,年僅36歲嘅飯島愛就病逝。喺未得到幸福同愛嘅底下,佢嘅一生就係咁畫下咗句號,令人不禁大嘆一聲「可惜」。
 
 
3)里中まりあ
 
1997年出道嘅「里中まりあ」,出道後不久就引退更淪落風塵,開始喺一啲風月場所甚至性虐待俱樂部入面工作。亦因工作關係而認識咗當時有黑道背景嘅50歲男朋友「寺田幸雄」,其後二人因經常不和同爭執,佢就將男朋友趕出屋企並提出分手。
 
 
無幾耐佢就喺屋企門口俾人綁架,幾日之後佢嘅屍體就喺大阪嘅一間旅館被發現。經調查後證實係佢男朋友「寺田幸雄」將佢一槍穿腦擊斃,死狀令人慘不忍睹。
 
 
 
4)桃井望
 
1978年出生嘅桃井望,原名渡邊芳美,2001年出道成為AV女優,曾參與超過200部以上嘅AV演出。2002年同長瀨愛、堤沙也加、樹若菜共組「MINX」團體參加各類嘅綜藝活動。
 
 
可惜2002年10月12日,佢被人發現陳屍於長野縣郊外,得年24歲。桃井望被發現時下身已經燒焦,而且背部身中四刀,車內仲有另一名相信係佢男朋友嘅焦屍,但因疑點甚多,案件至今仍未終結...
 
 
5)林由美香
 
1970年出生,來自東京都嘅林由美香,曾經拍攝約200部電影。1989年以本名小栗由美香出道,翌年改名林由美香繼續發展。
 
 
2005年6月28日因為以藥物同酒混合服用而窒息死亡,但警視廳就無法判定係自殺定係意外。
 
雖然佢地已經離開咗呢個世界,但係佢地嘅作品依然會陪伴大家,同時希望佢地嘅屋企人可以早日收拾心情,重新出發。