【思人日語教室】睇日劇輕輕鬆鬆學日文!!

Yeah又黎到【思人日語教室】啦,
熱愛日本嘅你地,除左日日發夢去日本旅行,
幻想食日本野,買日本野,用日本野之餘,
日文都係一個非常之重要嘅環節。
有無成日想睇日劇或者聽日文歌果時唔洗翻譯都聽得明呢?
放心我真係明呢種心態嘅!
 
學一種語言,即使有興趣,
都總會有困難同覺得悶嘅時候。
所以為左大家可以好有趣地學日文,
我介紹你地睇呢套日劇啦!
由於呢套劇完全唔係新劇,所以你好有可能睇過,
睇過嘅唔緊要,當重溫下啦!
 
佢就係:【日本人の知らない日本語】(日本人都不懂的日語)
呢套劇最有趣嘅地方就係,
明明佢成套野都喺到教日文,
但唔知點解一D都唔覺得悶,仲好有趣。
我揀左以下呢兩段,應該係比較常用嘅,
等大家睇下學唔學到野啦!
我會順便延伸一下佢當中講過嘅內容,
等你地對日文有更深入嘅了解!
好啦廢話少講,即刻睇片啦!
 
①助数詞(量詞)
有關於日文嘅量詞,唔係話好難,
但由於同廣東話都幾唔同,
所以都要比D心機去記先得。
用番留頭先片入面所教過嘅呢D做例子:
 
飲管=~本 (本,讀音hon/pon。指細細長長嘅野。其他例子有筆,木等等)
蛇=~匹(匹,讀音hiki/piki。指較細小的生物。其他例子有狗,貓,昆蟲等等)
象/馬=~頭(頭,讀音tou。指較大的生物。其他例子有牛,海豚等等)
人=~人(人,讀音nin。但要注意一人和二人嘅音讀音,分別係hitori同futari,其他先至係讀nin。)
金槍魚就如片中所講,量詞根據唔同形態而轉,我就唔重覆多次啦。
 
另外仲有其他常用量詞,包括
一張=一(枚,讀音mai。指薄嘅事物。例子有被鋪,窗簾等等)
一部=一(台,讀音dai。指樂器,交通工具,機器等大型物件。例子有車,鋼琴,電視等等)
一本=一(冊,讀音satsu。指書本。例子有書,雜誌。)
一件=一(着,讀音chaku。指衣物。例子有Tshirt,褸,suit等等)
一對=一(足,讀音soku。指鞋襪。)
 
②打工(餐廳)敬語
雖然喺日本打工嘅機會唔係好大,
但唔洗講唔等於唔洗識嫁嘛!
因為只要你會去日本,去任何餐廳都會聽到以上嘅對話,
所以其實係非常實用嘅。
唔記得點講唔緊要,起碼識聽,知道人地講緊咩都好丫!
 
而如果你有打算想去日本留學,或者working holiday嘅話,
就一定要學識呢D打工用嘅敬語啦!
以下係片中教過嘅句子:
 
いらっしゃいませ。
(i ra sha i ma se)=歡迎光臨
 
お待たせいたしました、こちらが○○でございます
(o ma ta se i ta shi ma shi ta,ko chi ra ga XX de go za i ma su)=讓你久等了,這是○○。
いたす=「する」嘅謙卑語
こちら=「これ」嘅敬語
でございます=「です」嘅敬語
 
お飲物はよろしいですか?
(o no mi mo no ha yo ro shi i de su ka)=飲品就這樣了嗎?
よろしい=「いい」嘅敬語
 
ご注文は以上でよろしいでしょうか?
(go chuu mon ha i jou de yo ro shi i de shou ka)=點菜就以上的可以了嗎?
 
3000円お預かりします
(san zen en o a zu ka ri shi ma su)=收你3000yen。
お〜する=「する」嘅謙卑語
 
就係咁多啦,
如果對呢套野有興趣,就自己上網睇埋其他集數啦!
記得學語言,要從唔同渠道學先keep住有趣嫁,
如果唔係,就會好快悶嫁啦!