【必去定中伏?】觀塘激安の殿堂同你詳細睇!

十個有九個去過日本嘅都有行過激安の殿堂,
因為果度有好多得意野睇,好多野買,仲會有好多層行到腳軟。
竟然,香港觀塘都有【激安の殿堂】
今次我就去咗行下,究竟入面有d咩買?即刻一齊睇下啦!
 
一睇到個門面,嘩!真係同日本果個九成似!即刻入去睇下啦!
呢間舖只得一層,但入面都幾大吓,所以放到好多貨品~
去嘅時候係下晝3點左右,人都幾多吓,但其實果時已經過咗lunch hour,
所以可能除咗寫字樓嘅人,附近街坊都會幫襯~
 
擺門口嘅有1set鼓,小朋友會唔會鍾意呢?
 
如果帶小朋友黎行,佢地一定有排揀,玩具多到數唔晒!
 
 
女裝就有幾對鞋係度啦,但係有d嘅牌子就係外國嘅~
佢就冇好似真正嘅激安の殿堂咁好多藥妝,水手服啦~
 
電視雪櫃樣樣齊~但其實如果買電器,我諗好多人都會揀番去電器舖買啦~
呢部機就犀利啦!佢直接可以擺番麵包係上面烘,但唔知係咪真係夠熱呢?
 
一d咖啡機同電水煲。電水煲就$399,佢寫住係2分鐘就煲到水㗎!
 
空氣清新機,香薰機,按摩器,連printer都有!
 
食物區~
其實入面嘅野食普通超級市場或者759都有,唔算特別。
而價錢睇過都唔係特別平㗎咋!
所以,其實唔算好吸引~
 
家品就佔咗大部份位置啦~
鍾意食甜品嘅女士們就可以買呢個架黎擺cake,影相都幾靚!
 
連花都有得買~
會唔會情人節紀念日諗唔到送咩俾女朋友就可以係度揀啦!
但價錢,都係唔平!
上面嘅鐘都係140蚊左右,其實就唔算平啦!
 
總結呢,呢間舖其實就只不過係普通賣家品嘅店黎嘅,
但做生意最緊要有賣點,相信呢個招牌都吸引到唔少人入去買野嘅!
如果你咁岩住附近,都可以行下睇下揀唔揀到野啦!
但如果唔近,就唔建議特登去啦,因為舖入面唔算特別~
 
地址:觀塘成業街20號怡生工業大廈地下
營業時間:11:00a.m-11:00p.m
 
 
下次見啦!