【復古潮流】今個冬季必著刺繡棒球褸!

最近日本重新興起帶有刺繡圖案嘅外套,俗稱 Souvenir Jacket,而通常會見到嘅款式係喺棒球褸上面。刺繡可以係龍虎,仲有好多其他有個性嘅圖案,非常型格!至於點解會叫做Souvenir Jacket呢,其實係因為二次大戰後,駐日美軍喺橫須賀市帶咗呢款外套返美國家鄉,當係手信咁俾親友,所以就有呢個名啦。Souvenir Jacket 發展到今時今日,風格中性所以男女都著得,有男/女朋友嘅仲可以情侶裝咁著𠻹!
 
 
刺繡通常係喺胸前、背面同手袖,以日式刺繡嘅綢緞圖案繡喺外套上。
 
普通嘅棒球褸只係純粹綿布料同心口有英文字或數字,而家配搭埋刺繡圖案同使用絲質料製作,令棒球褸更具風格。
 
 
​因為呢款外套真係極易襯,普通T-shirt牛仔褲已經可以出到街,所以更令大眾熱愛。
 
Souvenir Jacket 質地多採用絲質,感覺又較貴氣啲,所以除咗啱casual著,斯文啲襯頂圓頂帽一樣好match。
 
 
顏色方面除咗多人喜愛嘅黑色、藍色、灰色,鮮豔啲嘅色彩如黃色、綠色同粉色今年都係大熱!
 
 
以上呢件除咗顏色係今年大熱暗粉紅之外,前面仲用咗絲絨質料,將今年大熱元素夾埋一齊,復古味道滿分。
 
 
黃襯藍嘅顏色撞埋一齊,令復古味道更重,因為外套已經好搶眼,咁下身衣著都可以簡單啲。
 
 
睇完係咪好想買返件 Souvenir Jacket 今年著呢?喺香港其實好多大型連鎖時裝店都已經有類似嘅款式㗎啦,不妨試搭下再話我知你嘅配搭啦!下次再分享更多,bye-bye!
 
 
 
Photos from the Internet